Kon Mi Por Komprondé?
Ora nos honestamente, firmemente, i sinseramente nuska pa siña e evangelio di JesuCristu I siña esaki na otro, e enseñansanan aki por transformákurasonnan.
Mi kerido rumannan, ki gran goso ta di ta akinan huntu atrobe den e konferensia general di e Iglesia di JesuCristo di e Santunan di Delaster dianan bou di e direkshon di un kerido profeta, Presidente Russell M. Nelson. Mi ta testifiká na boso ku mi ta tin e privilegio di skucha e bos di nos Salbador JesuCristo pa medio di enseñansanan di esnan ku ta hasi orashon, kanta, i papia na e nesesidatnan den nos dianan den e konferensia aki.
Manera registrá den e buki di Hechos, Felipe e Evangelista a siña e evangelio na un sierto persona di Etiopia ku tabata un eunuko na mando di tur e tesoronan ku ta pertenesé ma e reina di Etiopia.1 Miéntras e tabata regresando di alabansa na Jerusalèm, el a lesa e buki di Isaias. Urgí pa e Spiritu, Felipe a bin mas serka di dj’e i bisa, “Bo ta komprondé loke bo ta lesa?
“I [e eunuko] a bisa, Kon mi por, eksepto si un hende guia mi? …
“E ora ei Felipe a habri su boka, i kuminsa na e mesun eskritura, i prediká na dje Hesus,”2
E pregunta hasi pa e hòmber di Etiopia ta un rekordatorio di un mandato divino ku nos tur tin, komo individuonan i komo famia, pa buska pa siña na un i otro e evangelio di JesuCristo.3 Defakto, den konteksto di studia i siña e evangelio, tin biaha nos ta manera e Etiopianan-- nos mester di e ayudo di maestronan fiel i inspirá i tin biaha nos ta manera Felipe--- nos mester pa siña i fortaleséotronan den nan kombershon.
Nos propósito ta pa buska i siña i eduká e evangelio di Jesuristo pa omentá fe den Dios i den Su plan divino di felisidat i den JesuCristo i Su sakrifisio ekspiatorio i pa logra konvershon duradero. Ta oumento di fe i konvershon lo yuda nos hasi i warda konvenionan ku Dios, pues fortalesé nos deseo di sigui Jesus i produsí un transformashon spiritual genuino den nos - den otro palabra, transformá nos den un kriatura nobo, manera siña dor di e Apostel Pablo den su epistola na e Korintionan.4 E transformashon aki lo trese oa nos un bida mas felis, produktivo i mas sano i yuda nos pa mantené e perspektivo eterno. No ta esaki ta eksaktamente loke a sosode ku e persona eunuko di Etiopia despues ku el a siña tokante e Salbador i a wòrdu konvertí na Su evangelio? E skrituranan ta bisa ku “e la bai su kaminda regosihando.”5
E mandamentu{ pa studia e evangelio I siña esaki na otro no ta nobo; e tabata konstantemente ripití for di kuminsamentu di historia humano.6 Na un okashon partikular, miéntras Moises su hendenan tabata den e planonan di Moab promé ku dentra e tera prometí, Señor a inspirá e pa amonesta su hendenan konserniente nan responsabilidat pa siña e estatutonan i konvenionan ku nan a risibí for di Señor i pa siña e esakinan na nan posteridat.7 hopi di nan no tabatin eskperiensia personal di e krusada di e Laman Kora òf e revelashon duna na Seru Sinaí.
Moises a amonestá su hendenan:
“Skucha, O Israel, na e statutonan i na e huisionan, ku mi ta siña boso, pa boso hasi nan, pa boso por biba, i bai i poseé e tera ku Señor di bosso tatanan a duna boso. …
“… Siña nan na boso yunan, i nan yunan di boso yunan.”8
Moises a konkluí, bisando, “Lo boso warda e statutonan, i su mandamentunan, ku ami a manda boso e dia di awe, pa tur kos por bai bon ku boso, i ku bo yunan despues i boso, i ku boso por prolongá boso dianan aki na tera, ku Señor boso Dios a duna boso, pa semper.”9
Dios Su profetanan konsistentemente a instruí nos ku nos mester kria nos faminan “den e nutrishon i amonestashon di Señor”10 “i den lus i bèrdat.”11 Presidente Nelson resientemente a bisa, “Den e tempu aki di imortalidat sin kòntròl i pornografia adiktivo, mayornan tin e responsabilidat sagrado pa siña nan yunan e importansha di Dios [i JesuCristo] den nan bida.”12
Rumannan, e atvertensia di nos kerido profeta ta un rekordatorio mas di nos responsabilidat individual pa buska i siña nos famianan ku tin un Tata den Shelu ku ta stima nos i ku a desaroyá un plan divino di felisidat pa Su yunan; ku JesuCristo, Su Yu, ta e Redentor di e mundu; i ku salbashon ta bin despues di fé den Su nòmber.13 Nos bidanan mester tin rais den e baranka di nos Redentor, JesuCristo, ku lo yuda nos individualmente i nos famianan pa nan pro tin nan propio impreshonnan spiritual grabá den nan kurasonnan, yudando nos pa perseverá den nos fé.14
Bo por ta korda ku dos disipulo di Juan Boutista a sigui JesuCristo despues di a skucha Juan testifika ku Jesus ta e Lamchi di Dios, e Mesias. E bon hendenan aki a aseptá Jesus Su invitashon pa “bin I mira”15 I keda ku n’E e dia ei. Nan a bin sa ku Jesus ta e Mesias, E Yu di Dios. I a siguiE pa e restu di nan bida.
Meskos, ora nos akseptá e Salbador su invitashon pa “bin i wak,” nos mester mora den dj’E, sumergi nos mes den e skrituranan, regosihá den nan, siña Su doktrina, i purba na biba e manera ku E a biba. Sp;amente e ora ei so nos por bin konosé E i rekonosé Su bos, sabiendo ku ora nos bin serka dj’E i kere den dj’E, nos lo no tin hamber ni set nunka mas.16 Nos lo por por diserni e bèrdat na tur momentu, manera a sosodé ku e dos disipulonan ku a mora ku Jesus. e dia ei.
Rumannan, esaki no ta sosodé djis asina. Entonando nos mes na e influenshanan mas haltu di devoshon no ta un asuntu simpel; e ta rekerí yama na DIos i siña kon ta trese e evangelio di JesuCristo na e sentro di nos bida. Si nos hasi asin’ei, mi ta primintí ku e influensha di e Spiritu Santu lo trese e bèrdad na nos kurason i nos mente i nos lo duna testimonio di dj’e,17 siñando nan tur kos.18
E pregunta di e persona di Eutopia, “Kon mi por [komprondé], ekspeto un hende guia mi?” tin tambe un signifikado spesial den e konteksto di nos responsabilidat individual pa pone e prinsipionan di evangelio ku nos a siña den praktika den nos bida. Den e kaso di e persona di Eutopia, por ehèmpel, el a aktua riba e bèrdat ku el a siña di Felipe. El a puntra pa wòordu boutisá. El a bin sa ku JesuCristu ta eYu di Dios.19
Rumannan, nos akshonnan mester reflehá kiko nos ta siña i eduká. Nos mester demostrá nos kreensha pa medio di nos manera di biba. E miho maestro ta e bon ehèmpel. Siñando algu ku bèrdaderamente nos ta biba por hasi un diferensha den e kurason di esnan ku nos ta siña. Si nos ta deseá [pa] hende, sea ta famia òf no, atesorá felismente e skrituranan i e enseñansanan di apòstelnan i profetanan bibu di nis tempu, nan tin ku wak nos almanan deleitá den nan. Meskos, si nos ke pa nan konosé Presidente Russel M. Nelson komo e profeta, vidente, i revelador den nos tempu, nan tin ku mira nos lanta nos man pa sosten’e, i realisá ku nos ta sigui su enseñansanan inspirá. Manera e dicho bon konosí ta bisa, “Akshonnan ta papia mas fuerte ku palabra.”
Kisas algun di boso ta puntrando boso mes na e momentu eksakto aki, “Elder Soares, mi a hasi tur e kosnan aki i mi a bin ta sigui e modelo aki tantu individual komo den famia, pero disafortunadamente, algun di mi sernan keri a distansiá nan mes for di Señor. Kiko mi tin ku hasi?” Pa esnan di boso ku ta eksperensiando e sintimentunan ei aworaki, di tristesa, agonia, i kisas lamento, por fabor sa ku nos sernan keri no ta totalmente pèrdi pasó Dios sa unda nan ta i ta kuidando nan. Kòrda, ku nan ta Su yunan tambe!
Ta hopi difisil pa komprondé tur e rasonnan dikon ta kue otro kaminda. E mihó kos ku nos por hasi den e sirkumstansianan aki ta djis stima i brasa nan, hasi orashon pa nan bienestar, i buska Señor su yudansa pa sa kiko hasi i bisa. Sinseramente regosihá ku nan den nan eksitonan; ta nan amigunan i wak e bon den nan. Nunka nos mester perde speransa den nan, pero preserva nos relashon. Nunka rechasá nan ni husga nan inkorektamente. Djis stima nan! E parabola di e yu prodigo ta siña nos ku ora e muchanan bin bei, hopi biaha nan ke bin kas. Si esaki sosodé ku bo sernan kerí, yena bo kurason ku kompashon, kore bai serka nan, brasa nan duru, i duna nan un sunchi, manera e tata di e yu prodigio a hasi.20
Finalmente, keda keda biba un bida digno, ta un bon ehèmpel di loke bo ta kere, i bai mas serka di nos Salbador JesuCristo. E konosé i ta komprondé nos pena i dolónan mas profundo, i E lo bendishoná nos esfuerso i dedikashon na nos yunan si no ta den e bida aki, den e otro. Korda, rumannan ku speransa semper ta un parti importante di e plan di e evangelio.
Durante e hopi añanan di servisio den Iglesia, mi a mira miembronan fiel ku konsistentemente a apliká e prinsipionan aki den nan bida. Esaki ta e kaso di un mama soltero ku nos lo referí na dje komo Mary, Tristu, Mary tabatin un divorsio trágiko. Na un sierto momentu, Mary a rekonosé ku su desishon mas kritiko relashoná ku su famia lo ta spiritual. Orashon, estudio di eskritura, ayuno, i asistensia na iglesia i tèmpel lo kontinuá di ta importante p’e?
Mary semper tabata fiel, i na e krusada kritiko ei, e la disidí na wanta duru na loke e tabata sa ku ta bèrdat. El a haña fortalesa den “e Famia; Un Proklamashon pa e Mundu.” kual entre hopi prinsipionan maravuiso ta siña ku “mayornan tin e deber sagrado di lanta nan yunan den amor i rektitut” i pa siña nan pa semper warda Dios Su mandamentunan.21 El a sigui buska kontestanan serka Señor i kompartí nan ku su kuatur yunan den kada sirkulo familiar. Frekuentemente nan ta papia tokante e evangelio i kompartí nan eksperensianan i testimonio ku un i otro.
A pesar di e doló ku e la pasa aden, su yunan a desaroyá un amor pa Cristu Su evangelio i e deseo pa sirbi i kompartí ku otronan. Tres di nan fielmente a sirbi mishonnan di tempu kompletu, i esun mas yòn ta sirbiendo un mishon na Sur Amerika. Su yu muhé mas grandi, ku mi konosé hopi bon, ku awor ta kasa i [ta] fuerte den su fé, a kompartí, “nunka mi a sinti manera mi mama a kria nos su so pasó Señor semper tabata den nos hogar. Miéntras e ta kompartí su testimonio di dj’E, na nos, nos tur a bira na E ku nos propio preguntanan. Mi ta asina gradesí ku el a trese e evangelio na bida.”
Rumannan, E bon mama aki tabata por a hasi su hogar un sentro di enseñansa spiritual. Meskos ku e pregunta di Etiopeanonan Mary a puntra su mes varios biaha, “Kon mi yunan por siña eksepto un mama guia nan?”
Mi kerido kompañeronan den e evangelio, mi ta testifiká na boso ku ora bo ta buska ku honestidat, kurason, firme i sinsero, pa soña e evangelio di JesuCristo ku bèrdadero intenshon i bou di e influensha di e Spiritu, e enseñansanan aki por transformá kurasonnan i inspirá pa biba di akuerdo ku e bèrdatnan di Dios.
Mi ta testifiká ku JesuCristu ta e Salbador di mundu. E ta e Redentor i E ta biba. Mi sa ku E ta dirigí Su Iglesia pa medio di Su profetanan, vidente, i reveladónan. Rambe mi ta testifiká na boso ku Dios ta bibu, ku E stima nos. E ke nos bèk den Su presensia—nos tur. E ta skucha nos orashonnan. Mi ta kompartí mi testimonio di e bèrdatnan aki den e nòmber di JesuCristu, amèn.