Bo Buki di Wega di Saserdosio

Konferensha General di aprel 2019

Bo Buki di Wega di Saserdosio

Pa Èlder Gary E. Stevenson

Di e Quorum di e Diesdos Apòstelnan

Krea bo propio buki di wega di kon lo bo prueba bo mes komo un disipulo di Cristu.

Desèmber lastu ei, e Promé Presidensia a saka un deklarashon anunsiando ku mucha hòmbernan di 11 aña por “kuminsa asisti na … quorumnan di Saserdosio Aaróniko … na komienso di yanüari di e aña ku nan ta hasi 12.”¹

Komo resultado, durante e promé parti di e aña aki, tabatin hopu hoben di 11 aña asombrá ku a asumí ku nan lo a keda den primaria te ku nan siguiente kumpleaños pero awor nan ta repartiendo e sakramento riba djadumingu komo Iglesia su diakononan mas resien ordená.

Mi ta kurioso pa sa ken tabata mas sorprendí—e diakono nobo òf nan mayornan. Di e kasi 80.000 diakono nobo, hopi ta ku nos awenochi den e gran sentro di Conferensia öf nan ta partisipando pa medio di teknolofia. Bon biní na e gran hermandat di e saserdosio!

E kambionan aki ta hasi e reunion aki unu historiko—ta e grupo di mas grandi di Saserdosio Aaróniko ku hamas a asistí na e seshon general di saserdosio durante e konferensia general. Den lus di e okashon spesial aki, mi ke dirigí mi remarkenan espesialmente na e hombres jovenes di e Saserdosio Aaróniko.

Lèsnan siñá for di Deporte

Komo studiante, hopi di boso tambe ta desaroyando boso talentonan, interesnan i hòbinan pa medio di aktividatnan ekstrakurikular na skol òf den lèsnan privá, ekiponan, i gruponan pafó di skol, inkluyendo deporte.

Komo ku mi disfrutá deporte durante hinter mi bida, semper mi tabata tin atmirashon pa esnan ku ta desaroyá abilidatnan atletiko na un punto kaminda nan ta presta na nivelnan haltu. Pa un hende ta realmente bon den kualke kos, e ta tuma, banda di talent natural, hopi disiplina, sakrifisio i kantidat di ora di treinin I práktika. Tipo di atletanan asina ei hopi biaha ta tende kritikanan duru di entrenadornan i boluntariamenteta pone loke nan ke awor un banda pa algu mas grandi den futuro.

Nos konosé miembronan di Iglesia i poseedornan di saserdosio ku a eksperensiá eksito na e nivel mas haltu di atletimo profeshonal. Tin hopi bon ehèmpel, pero solamente mi por menshoná algun pa motibu di tempu. Lo bo por rekonosé algun di e atletanan aki: den beisbòl, Jeremy Guthrie i Bryce Harper; den basketbòl, Jabari Parker i Jimmer Fredette; den futòl, Ricardo Rojas; i liga di rugby, William Hopoate; i den futbòl Amerikano, Taysom Hill i Daniel Sorensen. Kada un a duna un kontribushon signifikante na e deporte.

Mientras nan ta sumamente eksitoso den nan deporte, e atletanan aki lo ta promé pa atmití ku nan no ta atletanan perfekto òf ser humano perfekto. Nan ta traha duru pa ta e mihó den nan deporte— i pa biba e evangelio. Nan ta lanta para si nan kai, inan ta lucha pa perseverá te na final.

Studia e buki di wega

Den deporte di ekipo, weganan ta wòrdu desaroyá pa sierto situashonnan den e kompetensia i kompilá den un buki di wega. Atletanan ta siña nan asignashon spesifiko pa kada hugada. Hungadonan eksitoso ta studia e buki di wega asina profundo ku ora nan wega wòrdu yamá, nan sa eksaktamente, kasi ku instinkto, unda mester bai i kiko mester hasi.

Imagen

Treiner ku e buki di wega

Potrèt di Dave Kaup/REUTERS/stock.adobe.com

Imagen

Buki di wega

Di un manera similar, nos komo posedor di saserdosio tambe tin un ekipo (un quorum) un buki di wega (e eskrituranan sagrado i e palabranan di profetanan moderno).

Bo ta fortalesè bo miembronand i ekipo?

Kon bon bo ta studia bo buki di wega?

Bo ta komprondé bo asignashon kompleto?

Imagen

Quorum di saserdosio

Konfrontando e Oposishon

Pa hiba e analogia ainda mas leu, nos ta wak ku entrenadornan grandi konosé e forsa i debilidat di nan ekipo meskos ku esnan di e oposishon. Nan ta krea e plan di wega ku lo duna nan e miho chèns pa viktoria. Ke hubo di abo?

Bo sa ki tentashon bo ta mas vulnerabel p’e, i bo por predisí kon e atversario lo purba nan saka bo for di e kaminda i kibra bo kurason. Bo a krea un plan di wega personal i un buki di wega p’asina bo sa kon pa respondé ora bo wördu konfrontá ku oposishon?

Ora bo ta enfrentá varios tentashon moral—siendo bo ta den kompania di otronan òf ora bo ta bo so dilanti di un pantaya—bo sa bo plan di wega. Si un amigu sugerí bo bebe alkohòl òf purba droga, bo sa e wega. Bo a praktiká i sá kon pa reakshona for di adelantá.

Ku un plan di wega, un buki di wega, i e kompromiso firme pa ehekutá bo ròl, lo bo haña ku tentashon tin menos kontròl riba bo. Lo bo a tuma e desishon kaba di kon lo bo reakshoná riba loke lo bo hasi. Lo bo no tin ku disidí kada biaha ku bo wòrdu konfrontá ku un tentashon.

Un di e Diesdos a kompartí resientemente un historia ku ta ilustrá e prinsipio aki. Komo un presbitero na skol sekundaria, e tabata pasa tempu ku su amigunan. Despues ku nan a haña algu di kome, nan tabata kore den outo ora un di nan a sugerí pa bai wak sierto pelikula. E problema ta, e tabata sa ku tabata un pelikula ku e no mester wak. Ounke e la sinti imediatamente e preshon i ansiedat tokante e situashon, e la plania kaba pa e momentu aki. Esaki tabata un página dirèkt for di su buki di wega di saserdosio.

Halando un rosea profundo i buskando su kurashi, el a anunsia, “ami no ta interesá den e pelikulá ei. Djis baha mi na mi kas,” loke nan a hasi. Un hugada simpel ku a hiba na viktoria! Añanan despues, un di e amigunan ku tabata huntu ku ne den e anochi a deskribí kon e ehèmpel aki a prueba di ta un fortalesa grandi pa e pa enfrentá ku kurashi sirkumstansianan similar den su propio bida.

Paginanan di e Buki di wega

Mi a puntra algun di mi koleganan pa rekomendá hugadananganan ku bo por inklui den bo buki di wega. Aki ta algun di e sugerensianan inspirá:

Hasi orashon tur dia pa mas lus i e testimonio di JesuCristo.
Skucha koutelosamente na e enseñansanan di boso mayornan, boso obispu, i boso lidernan di Hombres Jovenes i di quorum.
Evita pornografia i kontenido inmoral di medionan sosial.
Kòrda e promesanan ku bo a hasi na Dios, i traha pa mantené nan.
Studia e historianan di e skrituranan di profetanan grandi, i kopia nan bon kalidatnan.
Bendishoná Tata Selestial Su yunan pa medio di servisio.
Buska bon amigunan ku por yuda bo bira e persona ku bo ke bira.
Bira un eksperto den e aplikashon di FamilySearch, i buska e historia di bo propio famia.
Planifika luganan di skondite pa bo por skapa di influensianan di maldat.
Stima i yuda fortalesé otro miembronan di bo quorum di saserdosio.

Tambe mi a komuniká ku e atletanan di kua nos mira nan pòrtrètnan anteriormente. Mi a haña interesante ku nan no ta identifiká nan mes dor di loke nan ta,hasi,komo atletanan profeshonal, pero mas bien dor di ken nan ta,komo yunan di un Tata Selestial amoroso i poseedornan di e saserdosio di Dios.

Awor skucha nan pensamentunan:

Jimmer Fredette, aki tin un diakono, ku ta bisa: “mi a siña ku mi ta depende hopi pisa riba su konosimentu di fe i di e verasidat di e evangelio. Esaki a guia mi pa ta … un poseédor di saserdosio

Imagen
Jimmer Fredette komo diakono
Bryce Harper, aki komo un kasa, ta skibi: “mi a pensa fama, fortuna, i un premio MVP [hungadá di mas valioso] lo hasi mi felis. Algu tabata falta. Eora ei, mi a …prepará i [drenta] e tèmpel. Awor mi ta den e kaminda pa [regresá] na mi Tata Selestial i tin un famia eterno—kua ta e goso mas grandi den e mundu!”

Imagen
Bryce Harper ku su kasá
Daniel Sorensen, aki komo un misionero, a bisa: “Un bon buki di wega ta e plan ku ta usa talentonan i esfuersonan di kada miembro di e ekipo. … Miéntras mi ta studia i praktiká e enseñansanan di e evangelio di JesuCristo, mi por sa kon pa usa mi forsanan pa sirbi den e saserdosio.”

Imagen
Daniel Sorensen komo misionero
Jeremy Guthrie, aki aktualmente sirbiendo komo president di mishon, a kompartí: “Komo diakomo di 12 aña di edat [mi a sinti e spiritu testifiká na mi [ku] esaki ta e tempu … pa prepare pa topa Dios.’² E plan di wega ta fe den dios ku ta kondusí na akshon [i] arepentimentu dor di e salbador. … E buji di wega twi den e skritua sagrado i dor di profetanan bibiente.”

Imagen
Jeremy Guthrie komo presidnete di mishon.
Jabari Parker, na su ordenashon na e ofisio di elder ta bisa, “mi no por a imaginá e persona ku lo mi a bira si mi no ta tuma e desishon pa wòrdu boutisá. ... Mi ta asina agradesido ku mi tin Dios den mi bida pa guia mi kada dia.”

Imagen
Jeremy Guthrie na ordenashon di saserdosio
Ricardo Rojas, aki na emomentu ki sirbiendo komo president di tama, a bisa: “Dor di [Dios Su] saserdosio [nos] por yuda den Su obra. Nos ta yamá pa ‘di fuerte I di bon animo’³ den defense di e bèrdat.” Esaki a yud’é logra tantu pichando komo e poseedor di saserdosio.

Imagen
Ricardo Rojas komo president di rama
Taysom Hill, akinan komo in misionero, ta sinti ku e evangelio di JesuCisto a sirbi komo un buki di wega pa e den su bida. El a kompartí, “Kere den [Dios Su] plan i hasi mi esfuerso pa kumpli ku mi ròl den dje a duna mi un sentido amplio di pas i felisidat den mi bida, sabiendo ku Dios ta komplasí ku mi esfuersonan.”

Imagen
Taysom Hill komo misionero.
William Hopoate, akinan na bendishon di e beibi di su yu komo parti di kuater generashon, ta bisa ku e evangelio a yud’e “identifika e strategianan di opishon i proveé e efikasia spiritual pa soporta e felchanan di kandela i sirbi otro miho.”

Imagen
William Hopoate na e bendishon di beibi

Ke hubo di abo? Bo ta rekonosé bo identidat mas haltu i sagrado komo un yu di Dios, un posedord i Su saserdosio sagrado? Ku e identidat eterno den mente, krea bo plan di wega i buki di wega saserdosio ku lo guia bo den tempunan di tentashon i atversidat. Konsidera tantu bo strategianan ofensivo i defensivo.

Strategianan ofensivo ta yuda fortalesé testimonionan i krese deseonan pa keda den e kaminda stret i smal. Ehèmpelnan ta inklui orashon regular, estudio di eskritura, asisti na Iglesia i tèmpel, paga diezmo i sigui e konseho hañá den e foyeto di Fortalesa pa e Hubentut.

Strategianan di defensa ta inklui planifiká adelantá kon lo bo enfrenta tentashon. Ora nos ta wòrdu tentá pa komprometé nos estandartenan personal, nos mester sa adelantá kiko nos ta bai hasi.

Bo mester di un buki di wega pa esei.

Bo no ta sinti pa hasi orashon awe? Tempu pa ehekutá e plan di wega ku bo a planifika kaba.

Bo ta sinti bo testimonio ta fayando? Bo tin un hungada pa esei. Bo sa kiko bo tin ku hasi.

Tur strea den Dios Su bista.

Bo ta poseedor di e saserdosio sagrado di Dios. Bo kompromiso pa tene duru na e bara di heru lo transforma bo den un ser eterno ku bo a wòrdu kreá pa bira.

Dios konosé i ta stima boso. E lo bendishoná bo i guia bo pasonan.

Lo bo por ta pensando ku bo no ta niun hende spesial, ku bo no ta material tur-strea. Pero esaki no ta bèrdat. Bo no sa ku Dios a proklamá, “E kosnan debil di e mundu lo bin dilanti i kibra esnan grandi i fuerte”? ⁴

Pues, bo ta sinti bo debil? Insignifikante? Pabien, bo a kaba di drenta den e ekipo!

Bo ta sinti bo ménos importante? Bo ta netamente esun ku DSDios mester.

Imagen

David I Goliath

Ki ehèmpel mas grandi tin ku Davd bayendo den e kampo di bataya kontra di un opositor espantoso, Goliath? Konfiando den Señor, ku un plan, David no solamente a salba su mes pero e ehersito di Israel!⁵ Sa ku Señor lo ta ku bo ora bo invoke bo kurashi pa ta na Señor Su banda. “Si Dios ta ku nos, ken por ta kontra nos?”⁶

E por habri portanan i yuda nos haña fortalesa i abilidatnan ku nunka nos tabata sa ku nos tin.⁷

Skucha bo trainernan di konfiansa, manera bo mayornan, obispu, i e lidernan di Hombres Jovenes. Siña bo buki di wega. Lesa e skrituranan. Studia e palabranan di profetanan moderno. Krea bo propio plan di wega di kon lo bo prueba bo mes komo disipulo di Cristu.

Sa adelantá e hugadanan ku lo bo usa pa fortalesé bo espiritu i evita e atakenan di e atversario.

Hasi esaki i Dios sigur lo usa bo.

Awor, por ta tin algun ku ta aleha nan mes for di e evangelio i bai pèrde. Algun por ta sinta den e ktribuna na banda i wak e wega for di aleu. Algun ta skohe pa sinta riba e banki, maske e entrenadornan a purba pa hinka nan den e wega. . Mi ta invite boso pa reskatá, sostené, I stima nan komo parti di e tim.

Otronan ke drenta den e wega—i nan ta hasie. Loke mas ta importá no ta kon talentoso nan ta pero nan deseo nan ta pa pone nan riba e vèlt. Nan no ta warda pa nan number wördu yamá, pasó nan sa e skritura ku ta bias, “Si bo tin deseo di sirbi Dios,bo ta yamá pa e obra.”⁸

Bo por pone bo mes den e liña di wega.

Bo ta hasi esaki ora bo ta studia I ehekutá bo buki di wega di saserdodio.

A lo largo di kaminda probablemente lo bo trompeka i kai— kisas hopi, hopi biaha. Bo no ta perfecto; kai ta parti di e proseso kualifikante ku ta permiti bo refina bo karakter i sirbi di un manera mas miho i ku kompashon. E Salbador I Su Ekspiashon infinito ta prove e kaminda pa superá nos erornan dor di arepentimentu sinsero.

Atletanan grandi ta pasa varios oranan perfekshonando un aspekto chikitu di nan wega. Komo poseedor di saserdosio, bo mester tin e mesun mentalidat aki. Si bo faya, arepentí I siña di dje. Praktiká pa asina bo hasi mihó e próksimo biaha. Finalmente, ta abo ta disidí. Lo bo siña e buki di wega?

Mi ta urgi boso,: Konfia den Señor. Bisti hinter e armadura di Dios⁹ i drenta den e wega.

No tin hopi ku ta hunga deporte profeshonal na e nivelnan di mas haltu, pero ora ta trata di disipulado, tin hopi ku ta disií di sigui Cristu..

De fakto, esaki ta bo mishon dene bida aki—pa siña e maneranan di Señor, drenta den e kaminda di disipulado, i purba na biba di akuerdo ku e plan di Dios. Dios lo alsa bo i bendishoná bo Bo por hasi esaki pasó bo ta tur strea den Su bista.

Ta mi orashon ku lo bo hasi e kompromiso pa biba digno di e saserdosio sagrado ku bo ta poseé i esforsá na ehekutá bo ròl sagrado kada dia. Mi ta bendishoná boso ku e abilidat i deseo pa hasi esaki. Mi ta agregá mi testimonio di e poder di e saserdosio ku bo ta poseé, di profetanan bibiente, i di JesuCristo i Su ròl komo nos Salbador i Redentor. Den e nòmber di JesuCristu, amèn.