Bon Pastor, Lamchi di Dios
JesuCristu ta yama nos ku Su stem i den Su nòmber. E ta buska pa reuní nos. E ta siña nos kon pa ministrá den amor.
Kerido rumannan, bo a yega di tin problema di pega soño i purba na konta karné imaginario? Miéntras karnénan di peluche ta bula e waya, abo ta konta:1, 2, 3, … 245, 246, … 657, 658 …1
Den mi kaso, kontando karné no ta manda mi soño. Ami ta preokupá pa falta òf pèrde unu, i esei ta tene mi lantá.
Hu e pastor hóben ku a bira rei, nos ta deklará:
“Señor ta mi wardadó, lo mi no falta nada.
E ta pone mi drumi den yerba bèrde: e ta guia mi den awanan trankil.
“E ta restoura mi alma.”2
Den e temporada di Pasku aki, nos ta selebrá e Bon Pastor, ku ta e Lamchi di Dios. Di tur su titulonan divino, no tin ningun otro ku ta mas tierno i reveladó. Nos ta siña hopi di nos Salbador su referensia na Su mes komo e Bon Pastor i for di testimonionan profetiko di dj’E komo e Lamchi di Dios. E ròlnan i simbolonan aki ta fuertemente komplementario - ken miho pa salba kada lamchi presioso ku no ta e Pastor, i ken miho pa ta nos Bon Pastor ku e Lamchi di Dios?
Pasó Dios a stima e mundu asina tantu ku E la duna Su Yu Unigenito, i Dios sy Yu Unigento a entregá Su bida komo obediensia propio na Su Tata.3 Jesus ta testifika, “Mi ta e bon pastor: e bon pastor ta duna su bida pa su karnenan.”4 Jesus tin e poder pa entregá Su bida i e poder ta tum’é atrobe.5 Uní ku Su Tata, nos Salbador ta bendishoná nos na un manera uniki, tantu komo nos Bon Pastor i tambe komo e Lamchi di Dios.
Komo nos Bon Pastor, JesuCristo, ta yama Su nos den Su bos i nòmber. E ta buska pa reuní nos. E ta siña nos kon pa ministrá den amor. Laga nos konsiderá e tres temanan aki, kuminsando ku E yamando nos den Su bos i Su nòmber.
Promé, nos Bon Pastor “ta yama su propio karnénan na nòmber. … Nan konosé su bos.”6 I “den su propio nòmber e lo yama bo, kual ta e nòmber di Cristu.”7 Ora nos ta buska pa sigui Jesucristo ku bèrdadero intenshon, inspirashon ta bin pa hasi bon, pa stima Dios, i pa sirbi E.8 Ora nos ta studia, skrudiñá, i hasi orashon; ora nos ta renobá konvenionan sakramental i di tèmpel regularmente; i ora nos ta invitá tur pa bin na su evangelio i ordenansa, nos ta skuchando Su bos.
Den nos tempu, Presidente Russel M. Nelson ta konsehá nos pa yama e Iglesia restoura pa e nòmber ku JesuCristo a revelá - E Iglesia di JesuCristo di e Santunan di Delaster dianan.9 Señor a bisa, “Asina ku, kiko ku boso hasi, hasi’é den mi nòmber; di manera ku boso lo yama e iglesia den mi nòmber; i boso lo invoká e Tata den mi nòmber pa e bendishoná e iglesia pa mi motibu”.10 Rònt mundu, dennos kurason i hogarnan, nos ta yama e Tata den e number di JesuCristu. Nos gradisí pa pa e generoso bendishon di e adorashon sentrá riba e hogar sostené pa e Iglesia, studio di evangelio i aktividatnan di famia sano.
Segundo, nos Bon Pastor ta buska i reuní nos den Su rebaño. E ta puntra, “Si un di boso tin shen karné, anto e pèrdè un di nan, akaso e no ta laga e nobentinuebe karnénan den mondi, pa bai buska esun pèrdí te ora e hañ’é?”11
Nos Salbador ta ekstendé Su man pa esun i e nobenta i nuebe, hopi biaha na e mesun momento. Miéntras nos ta ministrá, nos ta rekonosé ku e nobenta i nuebe ku ta sigur i inmovibel, hasta nos ta desea pa esun ku a deskaria. Nos Señor ta buska i saka nos for di tur lugá,12 for di tur kuater skina di mundu.13 E ta reuní nos dor di konvenionan sagrado i Su sanger ekspiatorio.14
Nos Salbador a bisa Su disipulónan di Testamènt Nobo, “Otro karnénan mi tin, ku no ta di e rebaño aki.”15 Den Kontinente Amerikano, Señor resusitá a testifiká na yunan di konvenio di Lehi, “Boso ta mi karnénan.”16 I Jesus a bisa ainda mi tin otro karnénan i nan lo skucha Mi bos.17 Ki bendishon e Buki di Mormon ta komo un otro testigu di e bos di JesuCristo!
JesuCristo ta invitá e Iglesia pa risibí tur ku ta skucha Su bos18 i warda Su mandamentunan. E doktrina di Cristu ta inkluí boutismo pa medio di awa i kandela i e Spiritu Santu.19 Nefi a puntra, “Si e karné di Dios, siendo santu, tin nesesidat di wòrdu boutisá pa medio di awa, pa kumpli ku tur rektitut, E ora ei, kuantu mas nesesidat nos tin, siendo impuro, di wòrdu boutisá, si, hasta dor di awa!”20
Awe, nos Salbadro ta deseá pa loke nos hasi i loke nos ta birando lo invita otronan pa bin, sigui E. Bin haña amor, sanashon, konekshon, i konvenio pertenesiente na djE, inkluyendo Dios Su santo tèmpel; kaminda ordenansanan sagrado por bendishoná generashonnan di famia, pues rekogé Israel na ambos banda di e velo.21
Di tres, komo “Pastor di Israel,”22 JesuCristo ta e ehèmpel kon pastornan den Israel ta ministrá ku amor. Ora nos Señor puntra si nos ta stimé, manera E la hasi ku Simon Pedro, nos Salbador ta implora: “Duna mi lamchinan di kome. … Duna mi karnénan di kome. … Duna mi karnénan di kome.”23 Señor ta primintí ku ora Su pastornan duna Su lamchinan i karnénan di kome, esnan den su rebaño “lo no tin miedu mas, lo no desmaya, tampoko nan lo no tin falta di nada.”24
Nos Bon Pastor ta atvertí ku pastornan den Israel no mester drumi,25 tampoko dispersá e karnénan kousando nan pa bai,26 tampoko wak den nos propio direkshon ni pa nos propio benefisio.27 Dios su pastornan tei pa fortalesé, sana, drecha loke ta kibrá, trese atrobe loke a kore kuné, buska esun ku ta perdí.28
Señor tambe ta atvertí di mersenarionan, ku “no tin kunes ku e karnénan,”29 i “profetanan falsu, ku ta bin na bo den paña di karné, pero di paden ta lobonan rapas.”30
Nos Bon Pastor ta regosihá ora nos ta ehersé nos albedrio moral individual ku intenshon i fé. Esnan den Su rebaño lo wak na nos Salbador den gratitut pa Su sakrifisio ekspiatorio. Nos ta hasi konvenio ku nos ta sigui’E, no pasivamente, no siegamente, tampoko manera karné, pero na su lugá deseando ku tur nos kurason i mente pa stima Dios i nos prohimo, kargando e karga di un i otro i regosihá den e goso di un i otro. Manera Cristu a dediká libremente Su boluntat ba esun di e Tata, p’esei nos reverentemente ta tuma riba nos su number. Ku hopi plaser nos ta buska uni Su obra di reuní i ministrá tur Dios Su yunan.
Rumannan, JesuCristo ta nos Bon Pastor perfekto. asó El a entregá Su bida pa nos i awor ta gloriosamente resusitá, JesuCristo ta tambe e lamchi di Dios perfekto.31
E lamchi di sakrifisio di Dios a wòrdu premira for di komienso. E angel a bisa Adam su sakrifisio “ta den similitut di e sakrifisio di e Unigénito di e Tata,” ken ta invitá nos pa “arepentí i yama riba e nòmber di DIos i di e Yu pa semper.”32
Tata Abraham, ken a establesé e bendishonnan di konvenio pa tur nashonnan na mundu, a eksperensiá kiko ta nifiká pa sakrifiká su yu engendrá.
“I Isaak, a papia ku Abraham su tata, i bisa, Mi tata: i el a bisa, Ata mi aki, mi yu. I el a bisa, Ata ki e kandela i e palu: pero unda e lamchi ta …?
“I Abraham a bisa, Mi yu, Dios lo proveé e mes un lamchi.”33
Apostelnan i profetanan a premirá i regosihá den e mishon preordená di e Lamchi di Dios. Juan den e Mundu Antiguo i Nefi den e Mundu Nobo a testifiká di “e Lamchi di Dios,”34 hasta e yu di Dios Eterno, … e Redentor di e mundu.”35
Abinadi a testifiká di e sakrifisio ekspiatorio di JesusCristo: “Nos tur, manera karnénan, lo a bai pèrdí; nos lo a bai kada un su propio kaminda; i Señor lo a pone riba dje e [inikidat] di nos tur.”36 Alma a yama e sakrifisio lastu i grandi di e Yu di Dios e “un kos ku ta mas importante ku tur.” Alma a enkurashá, “Tin fé den e Lamchi di Dios”; “bin i no tene miedu.”37
Un bon amigu a kompartí kon el a gana su presioso testimonio di e Ekspiashon di JesuCristo. El a krese keriendo ku e piká semper ta trese un gran kastigu El a roga na Dios pa kompronde e posibilidat di pordon divino. ku nos so tin ku soportá. El a hasi orashon pa sa kon Jesucristo por pordoná esnan ku arepentí, kon miserikordia por satisfase hustisia.
Un dia su orashon a wòrdu kontestá den un eksperiensia spiritual ku ta transformá. Un hòmber hóben desesperá a bin koriendo for di un tienda kargando dos saku di kuminda hòrtá. El a kore bai den un kaya drùk, su tras e gerente die tiena, ku a garé i kuminsa grita i bringa. Na lugá di e huzga e hóben spantá komo un ladron, mi amiga a hañ’e inesperadamente yená ku un gran kompashon p’e. Sin miedu òf preokupashon pa su propio seguridat, el a kana direktamente p’e dos hòmbernan ku tabata bringa. El a haña su mes ta bisa , “mi ta paga pa e kuminda. Por fabor lag’e bai. Por fabor laga mi paga pa e kuminda.”
Indiká dor di e Spiritu Santu i yená ku e amor ku nunka el a yega di sinti, mi amiga a bisa, “uniko kos ku mi ker a hasi ta yuda i salba e mucha hòmber aki.” Mi amiga a kuminsá komprondé JesuCristo i Su Ekspiashon - kon i dikon ku un amor puru i perfekto JesuCristo a sakrifiká boluntariamente pa ta su Salbador i Redentor, i dikon e tabata ke pa Cristu ta.38
No ta pòrnada nos ta kanta:
Wak, e Bon Pastor ta buskando,
Buskando e lamchinan ku ta pèrdí,
Tresiendo nan bèk ku regosiho,
Salbá ku asina un kosto infinito39
Komo Lamchi di DIos, nos Salbador sa ki ora nos ta sinti nos so, kibrá, insigur, i ku miedu. Den un vishon, Nefi a mira e poder di e Lamchi di Dios “[desendé] riba e santunan di e iglesia di e lamchi, i riba e hendenan di konvenio di Señor.” Ounke, “plamá riba fas di e tera … nan tabata armá ku rektitut i ku e poder di Dios den e gran gloria.”40
E promesa di speransa i konsuelo ta inklui nos tempu.
Bo ta e uniko miembro di e Iglesia den bo famia, skol, lugá di trabou, òf komunidat? Bo rama tin biaha ta sinti [parse]chikitu òf isolá? Bo a muda pa un lugá nobo, kisas ku un idioma òf kustumbernan no familiar? Kisas bo sirkumstansianan di bida a kambia, i kosnan ku nunka bo a pensa posibel awor ta konfrontá bo? Nos Salbador ta sigurá nos, oke sea nos sirkumstansianan, ken ku nos por ta, ku epalabranan di Isaias: “E lo rekohé su lamchinan den su brasa, i e lo karga nan den su pechu, i e lo guia suavemente esnan ku ta ku e hóbennan”41
Rumannan, nos Bon Pastor ta yama nos den Su bos i den Su nòmber. E ta buska, rekohé i bin serka Su hendenan. Pa medio di Su profeta bibiente i kada un di nso, E ta invitá tur pa haña pas, proposito, sanashon, i goso den e plenitut di Su evangelio restourá i den Su kaminda di konvenio. Pa medio di ehèmpel, E ta siña e pastornan di Israel pa ministrá den Su amor.
Komo Lamchi di Dios, Su mishon divino a wòrdu pre ordená i motibu di regosiho pa apostelnan i profetanan. Su Ekspiashon, infinito i eterno, ta sentral den e plan di felisidat i e proposito di kreashon. E ta sigurá nos ku E ta karga nos banda di Su kurason.
Kerido rumannan, ku nos por tin e deseo di ta “siguidonan humilde di Dios i di e Lamchi.”42 kisas algun dia nos por tin nos nòmbernan skibí den e Lamchi su buki di bida,43 pa kanta e kansion di e Lamchi,44 pa wòrdu invitá na e sena di e Lamchi.45
Komo Pastor i Lamchi, E ta yama, bin atrobe “na e konosimentu bèrdadero … di [bo] Redentor,… [bo] pastor grandi i bèrdadero.”46 He promises that “by his grace [we] may [become] perfect in Christ.”47
Den e temporada di Pasku aki, nos ta ador’E;
“Worthy is the Lamb!”48
“Hosanna to God and the Lamb!”49
Mi ta testifikádi Dje, nos Bon Pastor Perfekto, e Lamchi perfecto di Dios. E ta yama nos na nos number—ku ta e sagrado I santu number di JesuCristu—amen.