E Evangelio Berdadero, Puru i Simpel di JesuCristu
Stima Dios i stima nosprohimo ta e fundashon dòktrinal di ministrá; sentrá riba e hogar, sostené dor di siñansanan di Iglesia; alabansa spiritual riba día di Sabat; i e obra di salbashon.
Mi rumannan stimá, ta difísil pa mi pa kere ku ta 71 aña pasá, na 1948 ku mi tabata un misionero na Inglatera. I 44 aña pasá ku mi kasa Barabara, I ami a bai ku nos famía Canada tempu ku mi tabata e presidente di e Mishon Toronto, Canada. Tempu ku mi tabata sirbi einan den aprel di 1976, mi a wòrdu yamá den e Promé Quorum di e Setentanan, i inesperá, den 1985, mi a wòrdu yamá den e Quorum di e Diesdos Apòstelnan. Diferente na mi yamamentunan anterior,ku Tabata inkluí un relevo den future, e relevo di mi yamamentu for di e Diesdos no tae mihó opshon awor aki; zinembargo, mi ta resa diaei lo yega solamente despues ku mi kaba di hasi tur loke Señor a yama mi pa hasi.
Pensando riba e lastu 43 añanan sirbiendo komo outoridat General i e privilegio ku mi tabatatin pa minstrá na Tata Selestial su yunan, mi a bin realisá mas plenamente ku E ke pa tur Su yunan haña pas, goso, i felisidat den nan bida.
E profeta Lehi a siña, “Hende tei, pa nan tin goso.”1 Tin hopi rason dikon nos no tin pas, goso i felisidat den e bida aki, inkluywndo pobresa, guera, desasternan natural, i problemanan inesperá na trabou, salú i relashonnan familiar.
Pero no opstante e fòrsanan fuera di nos kòntròl ku por impaktá nos bida na tera, miéntras nos ta esforsá nos mes pa bira disípelnan fiel di Señor JesuCristu, nos por haña pas, goso i felisidat a pesar di pruebanan mortal ku nos ta eksperenshá.
Un di mi yunan a bisa un biaha, “Tata, mi ta puntra mi mes si nos lo logra .” Mi a responde, “Tur loke ku Tata Selestial ta pidi di nos ta pa hasi e mihó ku nos por kada día.” Rumannan, hasi e mihó ku boso por día tras di día, i promé ku bo pensa, bo ta bin realisá ku bo Tata Selestial konosé bo i ku E stima bo. I ora bo sa esei—realmente sa esaki—bo bida lo tin propósito real i signifikante i lo bo wòrdu yená ku goso i pas.
Komo e Lus di Mundu, e Salbador a bisa, “Kualke un ku ta kere den mi, lo no mester keda den skuridat.”2
JesuCristu ta e nòmber ku a wòrdu duná di e Tata, i no tin niun otro nòmber dor di kua; [nos] por wòrdu salbá.
P’esei, tur hende mester tuma riba nan mes e nòmber ku a wòrdu duná di e Tata.3
Skrituranan ta siña nos ku Satanas ta desea di hiba hende den skuridat. Henter su enfòke ta pa kita e lus i bèrdat di JesuCristu i Su evangelio. Manera Lehi a siña su yunan, e diabel “ta buska pa tur hende por ta miserabel manera e mes ta.”4 Si Tata Selestial Su “obra i ... gloria” ta pa “hasi posibel e inmortalidat i bida eterno di tur [hòmber i muhé].”5 Lusifèr su “obra” ta pa trese miseria i desesperashon sin fin pa e yunan di Dios. Piká i transgreshon ta baha e Lus di Cristu den nos bida. Ta p’esei nos ophetivo ta pa disfrtuta di e Lus di Cristu, ku ta trese pas, goso i felisidat.
Den e delaster 18 lunanan, Señor a inspirá Su profeta i Apòstelnan pa implementá un kantidat di adaptashon maravioso. No opstante, mi ta prekupá ku e propósito spiritual di e adaptashonnan aki por wòrdu pèrdí den e eksitashon di e kambionan mes.
oseph F. Smith a bisa: “ E evangelio berdadero, puro i simpel di JesuCristu a wòrdu restourá. Nos ta responsabel pa mantené riba tera.”6 El a añadí ku e evangelio berdadero, puro, i simpel ta e “dòktrina salbatorio di Cristu.”7
Den e artíkulonan di Fe e profeta josé Smith a siña ku “dor di e Ekspiashon di Cristu, henter humanidat por wòrdu salbá, dor di obendensia na e leinan i ordenansanan di e Evangelio.”8
E promé prinsipionan di e evangelio ta fe den e Señor JesuCristu, arepentimentu, boutismo, e don di Spiritu Santu, i persevere te na final. Su ruman hòmber Hyrum a siñá: Prediká nan kada bes [di nobo]; lo bo enkontrá ku dia tras di dia ideanan nobo i lus adishonal tokante nan lo wòrdu revelá na bo. Bo por elaborá riba e prinsípionan aki ... pa komprondé nan ku mas klaridat. E ora ei boso por hasi nan mas komprendibel pa esnan ku [boso] ta instru.”9
E mihó manera pa nos por mira e propósitonan spiritual di Iglesia ta dor di biba e siñansanan berdadero, puro, i simpel di Cristu i tambe apliká e dos gran mandamentunan di e Salbador: “Lo bo stima Señor bo Dios ku henter bo kurason. ... Lo bo stima bo prohimo manera bo mes.”10
Obedensia na e dos mandamentunan ei ta proveé un manera pa eksperenshá mas pas i goso. Ora nos stima i ta sirbi Señor, i stima i ta sirbi nos prohimo, nos lo sinti mas felisidat di in forma natural ku no por binna nos di niun manera mas mihó.
Stima Dios i stima nos prohimo ta e fundeshi doctrinal di ministra; Enseñansa di Iglesia sentrá-riba-hogar; adorashon riba e dia di Sabat; i e obra di salbashon na tur dos banda di e velo sostené den Sosiedat di sokoro i e quorumnan di ekldernan Tur e kosnan aki ta basá riba e mandamentunan divino di stima Dios i stima nos prohimo. Lo por tin algu mas básiko, mas fundamental, i mas simpel ku esei?
Biba e plan di evangelio berdadero, puro i simpel ta laga nos tin mas tempu pa bishitá e biudo i biudanan, e wérfanonan, esnan ku ta nan so, esnan ku ta malu i den nesesidat. Nos lo haña pas, goso, i felisidat den nos bida ora ku nos sirbi Señor i nos prohimonan.
E adaptashon di e día di Sabat ta enfatisá siñansanan i estudio di e evangelio ku ta sentrá riba hogar i sostené dor di Iglesia, ta un oportunidat pa renobá nos spiritu i nos deboshon na Dios i den nos hogar. Kiko por ta mas simpel, básiko i profundo ku esaki? Rumannan, boso ta komprondé ku siña i instruí e evangelio den nos famíanan ta un manera importante pa haña goso i felisidat den nos bida?
Papiando di e Sabat, e Salbador a bisa, “Pasó enbèrdat esaki ta un día apuntá na boso pa deskansá di boso trabou, i duna bo devoshon na Esun Eksaltá.”11 El a añadí, “Ku bo goso por ta kompletu... [pa medio di]regosihá i orashon … bo [lo mester] hasi e kosnan aki ku gratitut, ku kurason i semblante..kontentu ... [i] un kurason kontentu i in semblante yen di goso.12
Por fabor konsiderá algun di e palabranan importante den e revelashon aki: goso, regosihá, gratitut, kurason kontentu, kontentu. kurason, i in semblante yengoso Ta zona mi manera warda e día di Sabat lo mester trese un sonrisa riba nos kara.
Segun nos ta ministrá na un manera mas elevá i santu, por fabor konsiderá kon esensial ta pa nos kumindá tur hende ku asistí na nos reunionnan di Iglesia, spesialmente miembronan nobo i bishitantenan. Nos tur mester gosa kantando e hímnonan i skucha ku kuidou na e palabranan di e orashonnan sakramental ku un kurason i mente habrí.
Tesimonionan di fe den nos reunionnan di ayuno i testimonio ta wòrdu guiá dor di un di e miembronan di e obispado ku ta kompartí un testimonio breve, enfòká riba e plan di felisidat i e evangelio berdadero, puro i simpel di JesuCristu. Tur otro hende mester sigui e ehèmpel ei. Nos tin ku kòrda ku tin otro lugá adekuá pa konta historianan òf konta aventuranan di biahenan. Segun nos ta mantene nos testimonionan simpel i enfoká riba e evangelio di Cristu, E lo proveé renobashon spiritual ora nos ta kompartí nos testimonio ku otro.
Ministrá di in manera efektivo, ta mihó mirá dor di e brel di Dios amoroso stima nos prohimo. Simpelmente bisá, nos ta ministrá paso nos stima nos Tata Selestial i Su yunan. Nos enfóke pa ministrá lo tin mas éksito si nos tene e manera pa ministrá simpel. E goso mas grandi ta bini di e kosnan simpel di bida. asina ta ku nos mester tene kuidou pa nos no pensa ku nos mester añadi riba e adaptashonan ku nos a risibi pa krese fe i testimonionan fuerte den e kurasonnan di e yunan di Dios.
Laga nos no kompliká kosnan ku reunionnan adishonal, ekspektativa òf rekisitonan. Mantené simpel. Ta den e simplesa ei lo bo haña e pas, goso i felisidat di kual mi ta papiando di dje.
Pa hopi aña kaba e propósitinan diliderato di Iglesia, manera ta pará den Manual de Instrucción 2 ta kosnan ku ta simpel i klaro di kual mi ta sita.
“Lídernan enkurashá kada miembro pa risibi tur e ordenansanan di saserdosio esensial, mantene e kombenionan asosiá ku nan, i kalifiká pa eksaltashon i bida eterno …
“Adultonan:” Kurashá tur adultonan pa ta digno pa risibi e ordenansanan di tèmpel. Instruí tur adulto pa identifiká nan antepasadónan i hasi e ordenansanan vikario pa nan den tèmpel.
“Hóbennan:” Yuda prepará kada mucha hòmber pa risibí e Saserdosio di Melkisedek, pa risibi e ordenansanan di tèmpel, i pa ta digno pa sirbi komo misionero di regla. Yuda prepará kada mucha muhé pa ta digno pa hasi i mantene kombenionan sagrado i risibi e ordenansanan di tèmpel. Fortalesé hóbennan dor di partisipahon den aktividatnan ku tin sentido.
“Tur Miembro:” Yuda lídernan di saserdosio i [organisashon] ousiliar, konsehonan di bario, mishoneronan di bario i di regla, Miembronan por traha huntu ku otro den un enfóke ku ta den balansa pa skapa individuonan, fortalesé famíanan i unidatnan, elevá e aktividat di saserdosio, i rekogé Israèl por medio di kombershon, retenshon i aktivashon. Siña miembronan pa proveé pa nan mes i nan famíanan i pa asistí e pobernan i esnan den nesesidat na e manera di Señor.”13
Mi servisio den Iglesia a bendishoná mi ku hopi eksperenshanan spiritual remarkabel i speshal. Ami ta un testigu ku Señor ta dirigí Su Iglesia pa alkansá Su propósitonan. Mi a risibi guía divino hopi mas leu ku mi mes kapasidat. E goso di biba e evangelio pa mi ta sentrá riba e dòktrina i evangelio berdadero, puro i simpel di JesuCristu.
Mi a sirbi bou di e yabinan i direkshon di seisprofeta i presidente di Iglesia, for di Spencer W. Kimball te ku Russell M. Nelson. Mi ta tèstifika ku kada unu di nan tabata i ta Dios Su profetanan eskohí. Nan a siña nos prinsípionan esenshal di e Iglesia i e evangelio i dòktrina di Christu. Presidente Nelson ta hiba e obra di Señor dilanti na un manera impreshonante. Mi ta bisa “impreshonante” paso e ta e úniko di e Apòstelnan ku ta mas bieu ku ami, i ami ta hañando e difísil pa mantené su spit. Mi ta un testigu ku e yabinan di saserdosio i e mantel di un profeta di Dios ta riba dje. Presidente Nelson ta siña e evangelio berdadero, puro i simpel di JesuCristu. Ni ta kompartí mi testimonio ku Jesus ta e Cristu i esaki ta Su Iglesia – di kual mi ta tèstifiká humildemente den e nòmber di JesuCristu, amèn.