យើងនិយាយដោយស្នេហ៍
សេចក្តីដកស្រង់
នៅថ្ងៃនេះ ចូរយើងនិយាយភាសាចំនួនបីនៃក្តីស្នេហ៍នៃដំណឹងល្អគឺ ។ …
ទីមួយ ភាសានៃភាពកក់ក្ដៅ និងគារវភាព ។…
ដោយមានភាពកក់ក្ដៅ និងគារវភាព ពិធីសាក្រាម៉ង់ និងការប្រជុំផ្សេងទៀតរបស់យើងផ្តោតទៅលើព្រះយេស៊ូវគ្រីស្ទ ។…
…ចូរយើងនិយាយដោយការដឹងគុណដ៏កក់ក្ដៅ និងដោយគារវភាពចំពោះកិច្ចការរបស់ព្រះជានិច្ច និងសិរីល្អរុងរឿង និងបុណ្យគុណ សេចក្ដីមេត្តាករុណា និងព្រះគុណនៃព្រះយេស៊ូវគ្រីស្ទ និងពលិកម្មដ៏ធួនរបស់ទ្រង់ ។
ទីពីរ ភាសានៃដំណឹងល្អនៃការបម្រើ និងការលះបង់ ។…
…ការហៅឲ្យបម្រើដល់ព្រះអម្ចាស់ និងបម្រើគ្នាទៅវិញទៅមកក្នុងសាសនាចក្ររបស់ទ្រង់ ផ្ដល់ឱកាសដើម្បីបង្កើនចិត្តអាណិតអាសូរ សមត្ថភាព និងការបន្ទាបខ្លួន ។…
…យើងថែទាំទំនាក់ទំនងនោះ ហើយប្រឆាំងនឹងភាពឯកោ កាលយើងធ្វើការងារបម្រើជាទៀងទាត់ចេញពីដួងចិត្តរបស់យើងនៅក្នុងផ្ទះរបស់គ្នាទៅវិញទៅមក ។
…សកម្មភាពដែលរៀបចំផែនការបានល្អរបស់ពួកគេ ជួយមនុស្សគ្រប់គ្នាឲ្យមានអារម្មណ៍ថា ពួកគេមានតម្លៃ មានគេរាប់អាន និងអញ្ជើញឲ្យមានចំណែកមួយដែលចាំបាច់ ។
…សេចក្ដីជំនឿ ការបម្រើ និងការលះបង់ទាញយើងឲ្យទៅហួសពីខ្លួនយើង ខិតកាន់តែជិតព្រះអង្គសង្គ្រោះរបស់យើង ។…
ហើយការណ៍នោះនាំយើងទៅកាន់ភាសានៃដំណឹងល្អនៃសេចក្ដីសញ្ញានៃការមានចំណែក ។…
ព្រះយេស៊ូវគ្រីស្ទប្រទានផ្លូវដ៏ប្រសើរមួយ—ទំនាក់ទំនងដែលស្ថាបនាលើសេចក្ដីសញ្ញាដ៏ទេវភាពដែល រឹងមាំជាងចំណងនៃសេចក្ដីស្លាប់ ។ សេចក្ដីសញ្ញានៃការមានចំណែកជាមួយនឹងព្រះ និងជាមួយគ្នាទៅវិញទៅមក អាចព្យាបាល និងបន្សុទ្ធយើង និងទំនាក់ទំនងជាទីស្រឡាញ់បំផុតរបស់យើងបាន ។ នៅក្នុងសេចក្ដីពិត ទ្រង់ស្គាល់យើងច្បាស់ជាង ហើយស្រឡាញ់យើងខ្លាំងជាងយើងស្គាល់ ឬស្រឡាញ់ខ្លួនឯងទៅទៀត ។ នៅក្នុងសេចក្ដីពិត នៅពេលយើងធ្វើសេចក្ដីសញ្ញាទាំងអស់ដែលយើងមាន នោះយើងអាចប្រែក្លាយជាមនុស្សកាន់តែប្រសើរជាងយើងគិតទៅទៀត ។ ព្រះចេស្ដា និងព្រះបញ្ញាញាណរបស់ព្រះអាចប្រទានពរឲ្យយើងមានអំណោយទានដ៏ល្អទាំងអស់ ទៅតាមពេលវេលា និងរបៀបរបស់ទ្រង់ ។