នគរនៃសិរីល្អ
សេចក្តីដកស្រង់
គោលលទ្ធិដែលបានបើកសម្តែងអំពីសាសនាចក្រដែលបានស្ដារឡើងវិញរបស់ព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ បង្រៀនថា បុត្រាបុត្រីទាំងអស់របស់ព្រះ—មានករណីលើកលែងមានកំណត់ខ្លាំងដើម្បីពិចារណានៅទីនេះ—នៅទីបំផុតនឹងទទួលមរតកមួយនៃនគរសិរីល្អទាំងបី សូម្បីតែសិរីល្អតិចតួចជាងគេបំផុតនោះក៏ « ហួសលើសពីអស់ទាំងយោបល់ » ផង [ គោលលទ្ធិ និង សេចក្តីសញ្ញា ៧៦:៨៩ ] ។…
គោលលទ្ធិ និងការអនុវត្តជាពិសេសមួយផ្សេងទៀតរបស់សាសនាចក្រដែលបានស្ដារឡើងវិញ គឺបទបញ្ញត្តិ និងសេចក្ដីសញ្ញាដែលបានបើកសម្តែង ដែលផ្តល់ឲ្យដល់ បុត្រាបុត្រីទាំងអស់នៃព្រះ នូវឯកសិទ្ធិដ៏ពិសិដ្ឋ ដើម្បីស័ក្ដិសមនឹងកម្រិតសិរីល្អដ៏ខ្ពស់បំផុតនៅក្នុងនគរសេឡេស្ទាល ។ គោលដៅដ៏ខ្ពស់បំផុតនោះ—គឺជាភាពតម្កើងឡើងនៅក្នុងនគរសេឡេស្ទាល—ជាការផ្តោតដ៏សំខាន់របស់សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។…
…នៅក្នុងសិរីល្អ « សេឡេស្ទាល » មានបីលំដាប់ ដែលខ្ពស់ជាងគេនោះ គឺជាភាពលើកតម្កើងនៅក្នុងនគរសេឡេស្ទាល ។…
ផែនការរបស់ព្រះបានបង្កើតឡើងនៅលើសេចក្តីពិតដ៏អស់កល្បជានិច្ច ដែលអាចទទួលបានភាពលើកតម្កើងតែតាមរយៈភាពស្មោះត្រង់ចំពោះសេចក្តីសញ្ញា នៃអាពាហ៍ពិពាហ៍ដ៏អស់កល្បជានិច្ចរវាងបុរស និងស្ត្រីនៅក្នុងព្រះវិហារបរិសុទ្ធប៉ុណ្ណោះ នៅទីបំផុតអាពាហ៍ពិពាហ៍នឹងកើតមានចំពោះមនុស្សស្មោះត្រង់ទាំងអស់ ។…
ការជំនុំជម្រះចុងក្រោយគឺពុំគ្រាន់តែជាការវាយតម្លៃមួយនៃការបូកសរុបនូវសកម្មភាពល្អៗ និងសកម្មភាពអាក្រក់—ដែលយើងបាន ធ្វើ ប៉ុណ្ណោះនោះទេ ។ វាអាស្រ័យលើលទ្ធផលចុងក្រោយនៃទង្វើ និងគំនិត—ដែលយើង ប្រែក្លាយ ។ យើងស័ក្ដិសមសម្រាប់ជីវិតអស់កល្បជានិច្ច តាមរយៈដំណើរការនៃ ការផ្លាស់ប្រែចិត្តជឿ ។…
ដោយសារព្រះយេស៊ូវគ្រីស្ទ និង ដង្វាយធួនទ្រង់ នៅពេលយើងធ្លាក់ចុះក្នុងជីវិតនេះ នោះយើងអាចប្រែចិត្ត ហើយចូលមកលើផ្លូវនៃសេចក្តីសញ្ញាម្ដងទៀតដែលនាំទៅរកអ្វីដែលព្រះវរបិតាសួគ៌ប្រាថ្នាសម្រាប់យើង ។