សម័យប្រជុំរសៀលថ្ងៃអាទិត្យ
គិតដល់សេឡេស្ទាល !
សេចក្តីដកស្រង់
ខ្ញុំបានរៀនថា ផែនការរបស់ព្រះវរបិតាសួគ៌សម្រាប់យើងគឺ អស្ចារ្យ ថាអ្វីដែលយើងធ្វើក្នុងជីវិតនេះពិតជាសំខាន់ ហើយថាដង្វាយធួនរបស់ព្រះអង្គសង្គ្រោះគឺជាអ្វីដែលធ្វើឲ្យផែនការរបស់ព្រះវរបិតាយើងសម្រេចទៅបាន ។…
… នៅថ្ងៃនេះ ដើម្បីជួយបងប្អូនស័ក្តិសមទទួលបានពរជ័យដ៏សម្បើមនោះ ដែលព្រះវរបិតាសួគ៌មានសម្រាប់បងប្អូន ខ្ញុំសូមអញ្ជើញបងប្អូនឲ្យធ្វើតាមការអនុវត្តនៃ « ការគិតដល់សេឡេស្ទាល » !…
ដូច្នេះហើយ បងប្អូនប្រុសស្រីជាទីស្រឡាញ់ តើ ដោយរបៀបណា និង កន្លែងណា និងជាមួយ នរណាដែល បងប្អូនចង់រស់នៅជាមួយជារៀងរហូត ? បងប្អូនត្រូវតែជ្រើសរើស ។
នៅពេលបងប្អូនធ្វើការជ្រើសរើសផ្សេងៗ ខ្ញុំសូមអញ្ជើញបងប្អូនឲ្យមានទស្សនៈវែងឆ្ងាយ—ជាទស្សនៈដ៏នៅអស់កល្បជានិច្ច ។ សូមដាក់ព្រះយេស៊ូវគ្រីស្ទជាចម្បង ពីព្រោះជីវិតដ៏នៅអស់កល្បជានិច្ចរបស់បងប្អូនគឺអាស្រ័យលើសេចក្តីជំនឿរបស់បងប្អូនទៅលើទ្រង់ និងដង្វាយធួនរបស់ទ្រង់ ។ វាក៏អាស្រ័យទៅលើការគោរពប្រតិបត្តិរបស់បងប្អូនតាមក្រឹត្យវិន័យរបស់ទ្រង់ផងដែរ ។…
នៅពេលបងប្អូនផ្ដោតការគិតទៅដល់សេឡេស្ទាល សូមរំពឹងថានឹងជួបការជំទាស់ប្រឆាំង ។…
នៅពេលបងប្អូនគិតដល់សេឡេស្ទាល នោះដួងចិត្តបងប្អូននឹងផ្លាស់ប្តូរបន្តិចម្តងៗ ។ បងប្អូននឹងចង់អធិស្ឋានឲ្យបានញឹកញាប់ និងដោយស្មោះសរជាងនេះ ។…
នៅពេលបងប្អូនគិតដល់សេឡេស្ទាល នោះបងប្អូននឹងឃើញថាខ្លួនឯងកំពុងចៀសពី អ្វីៗ ដែលប្លន់សិទ្ធិជ្រើសរើសរបស់បងប្អូន ។…
ការគិតដល់សេឡេស្ទាលក៏នឹងជួយបងប្អូនឲ្យគោរពតាមច្បាប់ព្រហ្មចារីភាពផងដែរ ។…
នៅពេលបងប្អូនគិតដល់សេឡេស្ទាល បងប្អូននឹងមើលទៅការសាកល្បង និងការផ្ទុយតាមពន្លឺថ្មីមួយ ។…
នៅពេលបងប្អូនគិតដល់សេឡេស្ទាល នោះសេចក្តីជំនឿបងប្អូននឹងកើនឡើង ។…
ការថ្វាយដង្វាយមួយភាគក្នុងដប់តម្រូវឲ្យមានសេចក្តីជំនឿ ហើយវាក៏ស្ថាបនាសេចក្តីជំនឿលើព្រះ និងព្រះរាជបុត្រាស្ងួនភ្ញារបស់ទ្រង់ផងដែរ ។
នៅក្នុងពិភពលោកដែលគិតតែពីផ្លូវភេទ និងនយោបាយ ការជ្រើសរើសរស់នៅក្នុងជីវិតប្រកបដោយគុណធម៌ជួយស្ថាបនាសេចក្តីជំនឿ ។
ការចំណាយពេលកាន់តែច្រើននៅក្នុងព្រះវិហារបរិសុទ្ធជួយស្ថាបនាសេចក្ដីជំនឿ ។