Iesu Kristo Bon Motikan Rawara
Te Rongorongo ae Kaeweaki
Ngaira n tatabemaniira nako iai uotara ae kanga ai aron te baeki are ti uouotia i nuukara. …
Te baeki aio bon te bwai are ti uotii korakain te maeka n te aonnaba ae bwaka aio. Korakaira kanga aiaron atiibu inanon ara baeki aio. …
I taekinna ma te kukurei bwa korakaira n te maiu aio, aika atiibu ake inanon ara baeki, aki kainnanoia bwa a na rawawata.
E kona n kabebetea uotara Iesu Kristo.
E kona n tabekii rawawatara nako Iesu Kristo.
E katauraoa te kawai ibukira Iesu Kristo bwa tina kabebeteaki man rawawatan ara bure.
Iesu Kristo bon motikan rawara. …
Ngaia are bukin tera ngkai ti teimatoa ni uotii ara atiibu n tii ngaira? …
Tariu ao mwaneu, I aki kona n karaoia n tii ngai, I aki kainnanoia ni karaoa anne, ao N na aki karaoia. …
A kakabwaiaaki taan kawakinii aia berita aika tabu ma motikan rawaia iroun Te Tia Kamaiu. …
Te rairannano, rinanon Ana Mwakuri ni Kamaiu Iesu Kristo, bon te bwai ae e kamaiura man rawawatan atiibun te bure. …
Ana Mwakuri ni Kamaiu Iesu Kristo e anganiira te kawai bwa tina kona n karekea te korakora n kabwara bure, are e kariaira bwa tina kanakoi rawawata ake ti uotii ibukin aia katei buaka tabeman.
Ngaia are e kanga te Tia Kamaiu n motikii rawara man rawawatan maiura n te aba ae bwaka ma rabwata aika mamate ae a katauaki nakon te rawawata ao te maraki?
N angiin te tai, E karaoa te aekaki n kamaiu anne rinanora! …
Kakabwai an ara berita aika tabu bon reitakira ma Iesu Kristo n motiki rawaia,n te maiu n rabwata ao n tamnei, nakoia natin te Atua. …
Tariu ao Mwaneu, Iesu Kristo bon motikan rawara. … Te motiki rawa ae E anga bon akea tokina.