“Ko na Mena i Rou, ao Ngai i Roum; Ngaia are, Nakonako ma Ngai”
Te Rongorongo ae Kaeweaki
“E taku te Uea nakon Enoka: …
“ … Ko na mena irou, ao Ngai iroum; ngaia are nakonako ma ngai” [Mote 6:32, 34; e kairaki ma katuruturuana]. …
Te Uea Iesu Kristo E kanakoa Ana kakao nakoira n tatabemaniira nako bwa ti na maeka Irouna. Ma ti na kanga raoi n reiakinaki ao n roko n mena Irouna?
Te taeka ae maeka e kaota te tiku n nene ao n teimatoa n akea te bwara n nano. … Ngaia are, mena iroun Kristo ngkai ti teimatoa n ara taromauri nakon te tia Kabooi Maiura ao Ana mwakuri ae tabu, n taai aika raraoi ao n buakaka.
Ti moana tikura iroun te Uea man mwakurian inaomatara n rinerine ni katokaa iaora Amona rinanon berita aika a tabu ao otenanti n te euangkerio ae kaokaki. …
Ti tiku i Rouna man kanuaira n ana taeka Kristo. …
Ti mena i Rouna man tauraoira ni ira buakon waakin te otenanti n toa. …
Ana berita te Tia Kamaiu nakoia taan iririia bon uoua arona: ngkana ti mena i Rouna, E na mena i roura. Ma e bon kona ni mena iroum ao irou Kristo—n tatabemanira ao irou? Te kaeka nakon te titiraki aei bon eng! …
… Reitakira n ara berita ae tabu ma Tamara are i Karawa ao Natina ae tangiraki are e a mangauti bon oin korakora mai karawa n te nonoori, te kaantaninga, te mwaaka, te rau, ao te kimwareirei ae reitinako …
I kakoaua ana berita te tia Kamaiu ae na mena iroura bwa e bon koaua ao n tauraoi nakon te membwa ae kawakina ana berita ae tabu n Ana Ekaretia ae kaokaki. …
… Ngkana ti tiku i Rouna, E na mena i Roura.