Iesu Kristo Bon Korakoraia Kaaro
Te Rongorongo ae Kaeweaki
N ai aron ae Iesu Kristo bon korakoraia kairake, Iesu Kristo bon korakoraia naba kaaro. …
Ana tangira te karo nakon natina bon teuana te kabanea ni korakora n te aonaaba. Bon ngaia mai ibuakon bwaai aika karako iaon te aonaaba aei are e kona n teimatoa n akea tokina. …
Te korakora teuana are ko karekea, ngkoe te karo, bon te tibwanga ni katoabong, n reitinako ni karaoi bitaki. …
Teuana naba te kawai ae korakora ae te Uea e boutokaia iai kaaro bon rinanon te bwaintangira ae aki kona ni kabotauaki ni karekean oin am kaotioti. Te Uea e ingainga nanona ni kabwaroa Tamneina ni kairiia karo. …
Tao te ibuobuoki ae anga Iesu Kristo ae moan te kakaawaki nakoia kaaro bon te “bitaki ae korakora” n te nano. Bon te kakai are ti kainnanoia ngaira n tatabemaniira. …
Rinanon ana nanoanga te Tia Kamaiu, teutana imwiin teutana, kona karikirakei riki anua are a kainnanoia kaaro: tangiran te Atua ao Natina, taotaonakinnano, n aki,karimoako, te onimaki iroun Iesu Kristo, ao te ninikoria ni karaoan ae eti, …
Te beku ni katean te onimaki iroun Iesu Kristo e boboto n te mweenga, ni kaineti nakon temanna ma temanna. Ao e boutokaaki n te Ekaretia. Irarikin katauraoan koroboki aika a tabu ao aia taeka burabeti, ana Ekaretia te Tia Kamaiu e anga buoka aika a mwaiti ni buokiia kaaro ao ataei ni karaoi rinerine aika raraoi. …
N ana babaire Tamara are I Karawa, reitaki n te utu’ a kananonaaki bwa e na akea tokiia. Aio bukina, ngkai te karo, ko riai n aki bwarannano, riki ngkana ko aki kakatia ni bwai aika a tia n riki mai imwaina.
Ma Iesu Kristo, ara Tia Katoki Aoraki e na iai n tainako te moan bobou; e na iai te kaantaninga iroura n taainako.
Iesu Kristo bon kakorakoraia utu[,] kairake[, ao] kaaro.