Uringnga Tera ae Kakawaki Riki
Te Rongorongo ae Kaeweaki
N te bong aei, N na tibwauaia mai inanou tabeua namakin ao iango iaon bwaai aika kakawaki riki.
Te moan, te reitaki ma Tamara are i Karawa ao Natina, te Uea Iesu Kristo, e bon rangi ni kakawaki. E rangi ni kakawaki te bwai aei ngkai ao n akea tokina.
Te kauoua, te reitaki n te utu a mena ibuakon bwaai ake a rangi ni kakawaki riki. …
I ataia ae tabeman a tuai ni karekei kakabwaia mairouia kaain aia utu aika tangiraki, ngaia ae I a kariniia utu, raoraoia, ao riki utu n te uoote bwa te “utu.” Reitaki aikai a kakawaki ibukin marurungin te iango ao te rabwata. …
Teuana riki te bwai ae moan te kakawaki bon irakin ana wirikiriki te Tamnei n ara reitaki ae moan te kakawaki ao n ara kekeiaki n tangiriia kaain rarikira ao bon ngaira, n raonaki n ara mwakuri ibon iroura ao te botanaomata. …
Kabaneana, n te wiikeente n Tabatin te Toa aei, I kakoaua bwa ngkai ko a tia n rairaki nakon te Uea, ni kaota am kakoaua Nakoina, ao ni beku Ibukina a bane ni mena naba ibuakon bwaai aika kakawaki riki. …
Karekean te kakoaua n tingaia e bon aki tau. Ara marooro ma Iesu Kristo e rikirake, ti tangiria ni kaota Koauana—Raoiroina, ana tangira, ao ana akoi. …
I kaoi ngkami bwa kam na kakaota ami koaua iroun Iesu Kristo. …
Naake a namakina te bwai teuana imwiin am kaoti koaua a kona ngkanne n tuanga te Uea n te tataro ni kamatoa koauan am kakoaua. A kona ngkanne n ataia ibon ibukiia.