Tai Bwarannano n Tibwanga ake Kona Kakoaua iai Kristo
Te Rongorongo ae Kaeweaki
E ngae ngke tao tiaki karekea te kukurei n aroia naake a bon tena n rabwataia ao n nakonako ma Kristo inanon ana tai ni mwakuri ni mitinare iaon te aba, rinanon te Tamnei ae Raoiroi ti kona n namakina Mwakana ni katoabong! E korakora riki nakon are ti kainnanoia! …
… Arora ni kaan ma Kristo e rikirake rinanon taromauri aika bati n te tembora, rairannano ni katoabong, kamatebwaian booki aika tabu, irirakin taromauri ao reirei n Tabati, iangoan raoi ara kakabwaia n tamanuea, karekean berita aika tabu, ao kawakinan berita aika tabu. Aikai ake a bane ni kaoa te Tamnei bwa e na kaotaa ara iango, ao ni uota riki te rau ao te kawakinaki. Ma ti kawakinna n ai aron tibwanga aika tabu ni kakoauaa Kristo? …
Iai te mwaaka ni karaoan waaki aika tabu bwa a na aki riki bwa kanoan baika ti korei bwa ti na karaoi ma a na kona n riki bwa bwaai ni kakoaua. Karaoana e na rangi ni waeremwe ma e na rikirake ni katoabong, ma ara kakaonimaki ni iririi ao ni iai bukina ae riai ma Kristo. Ngkai ti teimatoa ni kamwakura ana reirei, ti karikirakea ara koaua Irouna; Ti katamaroa reitakira ma ngaia ao Tamara are i Karawa. Ti kataia n riki n ai Arona.
Teuare e buakaka e karaoi beroro aika mwaiti n te aro are ena kanganga iai ongoraean bwanaan te Uea. … Ti tangiria bwa tina katamaroai anuara ibukin ara koaua n te aro bwa tina kona ni kabotoa ara iango iaon ara Tia Kamaiu ni katoa bong.
… Taratara Kristo n taabo ni bane―I berita bwa e bon mena ikekei! Te kukurei ni koaua e boboto iaon tatauraoira n kaniia Kristo ao ni kakoaua ibon iroura.