Reirei
Te Rongorongo ae Kaeweaki
Ngaira taan iriira Iesu Kristo, ti ukora aron buokaia aomata n aron are E karaoia ibukina bwa iai aika kakantaninga ni kan bitaki. …
N te tabo are I nako iai, I reireiaki irouia naake a ibuobuoki ao n tabeakiniia aomata n aron are E karaoia te Tia Kamaiu. …
Te ibuobuoki ae rietaata man tabu riki e reke ngkana ti tataro ibukin “ana tangira ae kororaoi Kristo” [taraa Moronaai 7:47–48] ao ni iriira te Tamnei. …
… N taabo aika mwaiti, ti kona n reitaki, ao n ongora kawaia aomata, ao ni karekea te reitaki ae tamaroa ngkana ti kabatiaa riki ara kakawari nakon mwengaia. A kona ni biti maiu taian kakao. Ngkana a buokira taian kakao ni karaoi man kawakini ara berita aika tabu, ti kaania te Uea ao ti itangitangiri imarenara. …
Te ibuobuoki ae nanonaki raoi e kakabwaiaia utu ao aomata n tatabemaniia; e kakorakorai naba uoote ao mwaanga. …
Ara Tia Kamaiu bon te banna nakoira ae kororaoi. Ibukina bwa E raoiroi, E kona ni waaki ni karaoa ae raoiroi. E kakabwaia temanna ao ake 99. E kaota bannan te ibuobuoki. …
E ibuobuoki Iesu Kristo. A ibuobuoki anera. … Ngkana ti ibuobuoki n ai Arona, ti noori Ana kakai ao ana kakabwaia. …
N taabo ake ti mena iai n tain te Itita aei, ti riai n reitaki ao n ibuobuoki n aron ae karaoia ara Tia Kamaiu, riki nakoia naake ti na buokiia ma te tangira. Ni karaoan anne, ti na kaniira riki nakon Iesu Kristo ao nakoira n tatabemaniira, n riki n ai Arona ao taan iriira Iesu Kristo are E tangiria bwa ti na riki nako iai.