A Kainnanoaki Taan Raoi
Te Rongorongo ae Kaeweaki
Ngkai ngaira ana reirei Iesu Kristo, ti riai n riki bwa banna ni katooto n arora n reitaki ma tabeman—riki ngkana iai kakaokoron ara iango. Teuana te kawai ae moan te bebete ni kina te tia irira ni koaua Iesu Kristo bon aron te aomata anne n tabeakiniia aomata ake tabeman. …
… Ana reirei ni koaua a katea, uotarake, kaunga, anai nanoia, ao a kairiiri—n aki tabe ma rawawatan te kangaanga. Ana reirei ni koaua Iesu Kristo bon taan raoi. …
Ana Mwakuri ni Kamaiu te Tia Kamaiu e anganiira te kona n tokanikai iaon bwaai ni kabane aika buakaka—n raonaki ma te kakauntaeka. …
Tariu ao mwaneu, arora n tabeakiniira bon iroura e bon rangi ni kakawaki! Arora n taetae nakon ao ibukiia tabeman n te mweenga, n te taromauri, n te mwakuri, ao iaon te rain a bon rang ni kakawaki. N te bong aei, I tuangiira bwa ti na reitaki ma tabeman n te kawai ae rietaata, ao ni mimitong riki. …
Te tangira ae kororaoi bon te kaeka nakon te itabaraara. Te tangira ae kororaoi bon ana bwaintituaraoi te tamnei are e buokiira n tokanikai i aon te aro n aomata, ae bangaaomata, e totoko, e kainikatonga, ao ni bakantang. Te tangira ae kororaoi bon katein raoi te aomata ae te tia iriira ni koaua Iesu Kristo. Te tangira ae kororaoi e kaota aron te tia raoi. …
… I kaoko bwa ko na uringa Iesu Kristo. Tataro bwa e na reke iroum te ninikoria ao te wanawana n taekina ke ni karaoa bwaai ae E na karaoia. Ngkai ti ira te Uea n Raoi, ti na riki bwa Ana taan raoi. …
… N te bong aei I kaoko bwa ko na tirobaea rikim bwa te tia iriira Iesu ni kaineti ma arom n tabeakiniia tabeman. I kakabwaiako bwa ko na karaoi kaetieti aika a na kainnanoaki bwa e aonga arom ni kamoamoaaki, ni karinerine, ao te tia tei ibukin iriran ni koaua Iesu Kristo.