“Te u Lava ʻo Muimui ʻia Sīsū Kalaisi,” Ko e Kaumeʻá, ʻAokosi 2023, 40–41.
Te u Lava ʻo Muimui ʻia Sīsū Kalaisi
Naʻe ngāue fakaetauhi ʻa Sīsū ki he niʻihi kehé (vakai, Sione 13:5, 13–17). ʻOku ou lava ʻo sio ki he meʻa ʻoku fiemaʻu ʻe he kakaí mo fai hoku lelei tahá ke tokoni.
Naʻe fakakau ʻe Sīsū ʻa e niʻihi kehé (vakai, Maʻake 10:14). Te u lava ʻo fakakau mai e niʻihi kehé pea hoko ko ha kaungāmeʻa kiate kinautolu ʻoku nau ongoʻi tuenoá.
Naʻe lotua ʻe Sīsū ʻa e niʻihi kehé (vakai, 3 Nīfai 17:15–18). Te u lava ʻo talanoa ki he Tamai Hēvaní ʻi he lotu. Te u lava ʻo kole kiate Ia ke tāpuekina foki mo e niʻihi kehé.
Naʻe fakamolemoleʻi ʻe Sīsū ʻa e niʻihi kehé ( vakai, Sione 8:11). ʻOku ou lava ʻo fakamolemoleʻi e niʻihi kehé foki. Pea ʻi he taimi ʻoku ou fai ai ha fili hala, te u lava ʻo pehē, “ʻOku ou kole fakamolemole atu.”
Naʻe akoʻi ʻe Sīsū ʻa e ongoongoleleí (vakai, Mātiu 5:1–9). Te u lava ʻo vahevahe ʻa e ongoongoleleí ki he niʻihi kehé. Te u lava ʻo akoʻi e kakaí fekauʻaki mo Sīsū.
Naʻe hoko ʻa Sīsū ko ha sīpinga haohaoa (vakai, Sione 13:15). Te u lava ʻo fai hoku lelei tahá ke muimui kia Sīsū. Te u lava foki ʻo hoko ko ha faʻifaʻitakiʻanga ki he niʻihi kehé.
Tā Fakatātā ʻe Olga Lee