“Ko ʻEku Fuakava ʻo e Papitaisó,” Ko e Kaumeʻá, ʻAokosi 2023, 10–11.
Ko e ʻEku Fuakava ʻo e Papitaisó
Ko e fuakavá ko ha palōmesi ia ʻoku tau fakahoko mo e Tamai Hēvaní. Lau fekauʻaki mo ha meʻa ʻe tolu ʻoku tau palōmesi ke fai ʻi he taimi ʻoku tau papitaiso aí. Hili iá peá ke tohi fekauʻaki mo e meʻa te ke lava ʻo fai ke tauhi ai hoʻo fuakava ʻo e papitaisó!
Manatuʻi Maʻu pē ʻa Sīsū Kalaisi.
“Manatu maʻu ai pē kiate ia” (Molonai 4:3).
ʻI he mamata ʻa ʻElena ki he anga taʻeʻofa ʻa e niʻihi kehé ki ha tahá, naʻá ne fakakaukau ki he meʻa ʻe fai ʻe Sīsuú.
Founga ʻe lava ke u manatuʻi ai ʻa Sīsuú: ________
Tauhi ʻEne Ngaahi Fekaú
“Tauhi ʻene ngaahi fekaú” (Molonai 4:3).
Naʻe fili ʻa Sēmisi ke ʻoua naʻá ne mamata ʻi ha vitiō ʻoku ʻi ai ha ngaahi lea mo ha ngaahi fakatātā kovi.
Ko ha fekau te u lava ʻo tauhi: ___________
Toʻo Hono Huafá kiate Koe.
“Toʻo kiate [kimoutolu] ʻa e huafa ʻo [Sīsū Kalaisí]” (Molonai 4:3).
Naʻe talaange ʻe Nena ki hono kaungāmeʻá ʻokú ne kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
Ko e ʻuhinga kiate au ʻa e toʻo kiate kitautolu Hono huafá ko e: ___________
Ko Hono Tauhi ʻEku Fuakavá
Ko ha ngaahi founga ʻeni ʻe niʻihi te ke lava ai ʻo tauhi hoʻo fuakava ʻo e papitaisó.
Tokoniʻi e Kakaí
“Loto ke fefuaʻaki ʻa hoʻomou ngaahi kavengá koeʻuhí ke nau maʻamaʻa” (Mōsaia 18:8).
Naʻe tokoni ʻa ʻAkio ki hono kiʻi tehiná ʻi heʻene lesoni fika mei ʻapí.
Ko hai te u lava ʻo tokoniʻí: ___________
Fakatomala ʻi he Taimi ʻOkú Ke Fai Hala Aí
“Fakatomala pea fanauʻi foʻou” (ʻAlamā 5:49).
Hili e lea taʻeʻofa ʻa ʻIsa ki hono taʻoketé, naʻá ne lotu ki he Tamai Hēvaní. Naʻá ne kole leva ki hono taʻoketé ke fakamolemoleʻi ia.
Founga te u lava ai ʻo fakatomalá: _________
Fakafiemālieʻi e Niʻihi Kehé
“Fakafiemālieʻi ʻa kinautolu ʻoku ʻaonga ki ai ʻa e fakafiemālié” (Mōsaia 18:9).
Naʻe ʻaʻahi ʻa Lūkasi ki hono kaungāmeʻa kuo mālōlō ʻene kui tangatá.
Founga te u lava ai ʻo fakafiemālieʻi ha tahá: ____________
Ngaahi tā fakatātā ʻa Kelly Smith