“Tupulaki ʻo Hangē ko Sīsuú mo e Polokalama Fānaú mo e Toʻu Tupú,” Ko e Kaumeʻá, ʻAokosi 2023, 41.
Tupulaki ʻo Hangē ko Sīsuú mo e Polokalama ʻa e Fānaú mo e Toʻu Tupú
ʻE lava ke tokoniʻi koe ʻe he polokalama Fānaú mo e Toʻu Tupú ke ke hoko ʻo hangē ange ko Sīsū Kalaisí ʻaki haʻo ʻalu ki he ngaahi ʻekitivitī ʻa e Palaimelí, fokotuʻu ha ngaahi taumuʻa, mo ako ʻa e ongoongoleleí. ʻE lava foki ke ne tokoni atu ke ke ʻahiʻahiʻi ha ngaahi meʻa foʻou mo fiefia! ʻE lava hoʻo Tohi Fakahinohino ʻa e Fānaú ʻo tokoni atu ke ke kamata. Kapau ʻoku ʻikai ke ʻi ai haʻo tatau, kole ki hoʻo faiako Palaimelí ke ʻoatu hano tatau.
Te ke lava ʻo tupulaki fakaʻatamai ʻaki haʻo ako ha meʻa foʻou.
Te ke lava ʻo tupulaki fakatuʻasino ʻi haʻo fakamālohisino pe akoako ha pōtoʻi ngāue.
Te ke lava ʻo tupulaki fakalaumālie ʻi hoʻo ako lahi ange ki he ongoongoleleí.
Te ke lava ʻo tupulaki fakasōsiale ʻi hono fokotuʻu ha vā fakakaungāmeʻa mo e niʻihi kehé.
Ngaahi tā fakatātā ʻa Jimmy Holder