Ang Una Kong Temple Trip
Hola! Ako si Elena. Ito ang unang pagkakataon kong pumunta sa templo.
Ilang linggo pa lang ang nakalipas, kinausap ako ng bishop ko. Tinanong niya ako ng ilang bagay para matiyak na handa na akong pumunta sa templo. (Mababasa mo ang mga tanong sa pahina 35!) Pagkatapos ay binigyan niya ako ng sarili kong temple recommend.
Naghahanda na kaming umalis. Nagsusuot ako ng damit-pangsimba. Nag-eempake rin ako ng ilang bagay para maayusan ko ang buhok ko matapos itong mabasa. At tinitiyak kong dala ko ang aking recommend. Ngayo’y paalis na kami para mahabol ang bus!
Hayun ang templo! Napakaganda nito.
Kapag naglalakad ako sa loob ng templo, nakakaramdam ako ng kapayapaan. Ipinapakita ko ang aking recommend sa mabait na temple worker sa front desk. Binibigyan ako ng isa pang temple worker ng puting jumpsuit. Nagpupunta ako sa locker room para magbihis.
Ngayon ay hinihintay ko ang pagkakataon ko na mabinyagan. Kapag ang kapatid ko nang lalaki ang bibinyagan, tumatayo ako sa tabi ng bautismuhan para maging saksi. Sinisigurado ko na nakalubog siya nang husto sa tubig.
Ako na ba! Mainit-init ang tubig. Nabinyagan ako nang sunud-sunod para sa ilang tao.
Pag-ahon ko, inaabutan ako ng isang temple worker ng tuwalya. Nagbabanlaw ako sa silid-bihisan at isinusuot ko ulit ang aking damit-pangsimba. Paglabas ko, dinadala ako ng isang temple worker para makumpirma para sa ilang tao.
Talagang espesyal ang oras ko sa templo! Masaya ako na natutulungan ko ang iba sa pamamagitan ng pagpapabinyag at pagpapakumpirma para sa kanila. Sabik na sabik na akong makabalik sa lalong madaling panahon.
Mga paglalarawan ni Rachel Hoffman-Bayles