Matulunging mga Kamay sa Iba’t Ibang Panig ng Mundo
Kilalanin si Nathan mula sa Republic of the Congo
Kilalanin ang mga batang Primary na tumutulong sa iba, tulad ng ginawa ni Jesus.
Lahat ng tungkol kay Nathan
Edad: 10
Mula sa: Republic of the Congo
Wika: French
Pamilya: Inay, Itay, at tatlong nakababatang kapatid
Mga Mithiin at Pangarap: 1) Palaging makabilang sa honor roll ng paaralan. 2) Maglaro ng basketball. 3) Maging doktor.
Ang Matulunging mga Kamay ni Nathan
Mahilig magbasa ni Nathan. Ang paborito niyang mga aklat ay ang Aklat ni Mormon, ang Bagong Tipan, at ang mga aklat na tumutulong sa kanya na mas matuto pa ng French. Sabi ni Nathan, mahalagang basahin ang mga banal na kasulatan “upang malaman kung ano ang ginawa ni Jesus para sa atin at tularan ang Kanyang halimbawa ng kabaitan.” Gusto niyang tulungan ang kanyang nakababatang mga kapatid na sina Stephy at Aaron na matuto ring magbasa! Tinutulungan niya sila sa kanilang homework at binabasa sa kanila ang mga kuwento sa Aklat ni Mormon. Natutuwa siyang tumulong.
Tinutulungan din ni Nathan ang kanyang mga kapatid na maghanda ng kanilang higaan at maghandang pumasok sa paaralan na bitbit ang kanilang meryenda at mga backpack. Siya ay isang tagapamayapa sa paaralan at sinisikap niyang tularan ang halimbawa ni Jesus sa pagiging mabait sa iba.
Mga Paborito ni Nathan
Lugar: Ang tabing-dagat
Kuwento tungkol kay Jesus: Nang pagalingin ni Jesus ang lalaking bulag
Awitin sa Primary: “Ang Katapangan ni Nephi,” (Aklat ng mga Awit Pambata, 64–65)
Pagkain: Manok
Kulay: Orange
Asignatura sa Paaralan: French
Mga paglalarawan ni Melissa Manwill