፩ ሄኖክም የኖረበት ቀናት ሁሉ አራት መቶ ሰላሳ ዓመት ነበሩ።

፪ እንዲህም ሆነ የሔኖክ ልጅ ^ሀማቱሳላም የጌታ ቃል ኪዳን ይሟላ ዘንድ አልተወሰደም ነበር፤ በእውነትም ኖህ የወገቡ ፍሬ እንደሚሆን ቃል ገብቶለት ነበርና።

፫ እንዲህም ሆነ ማቱሳላም ከወገቡ (በኖህ በኩል) የአለም መንግስታት ሁሉ እንደሚመጡም ተነበየ፣ እና በራሱም ላይ ክብርን ወሰደ።

፬ እና በምድር ላይ ታላቅ ርሀብ መጣ፣ እና ጌታም ምድርን በታላቅ ርግማን ረገመው፣ እና በዚያም ብዙ ኗሪዎቹም ሞቱ።

፭ እንዲህም ሆነ ማቱሳላም መቶ ሰማንያ ሰባት ዓመት ኖረ፣ ላሜሕንም ወለደ፤

፮ ማቱሳላም ላሜሕን ከወለደ በኋላ የኖረው ሰባት መቶ ሰማንያ ሁለት ዓመት ሆነ፤ ወንዶችንም ሴቶችንም ወለደ፤

፯ ማቱሳላም የኖረበት ዘመን ሁሉ ዘጠኝ መቶ ስልሳ ዘጠኝ ዓመት ሆነ፤ ሞተም።

፰ ላሜሕም መቶ ሰማንያ ሁለት ዓመት ኖረ፣ ልጅንም ወለደ፣

፱ ስሙንም እግዚአብሔር ^ሀበረገማት ምድር ከተግባራችንና ከእጅ ሥራችን ይህ ያሳርፈናል ሲል ^ለኖኅ ብሎ ጠራው።

፲ ላሜሕም ኖኅን ከወለደ በኋላ የኖረው አምስት መቶ ዘጠና አምስት ዓመት ሆነ፤ ወንዶችንም ሴቶችንም ወለደ።

፲፩ ላሜሕ የኖረበት ዘመን ሁሉ ሰባት መቶ ሰባ ሰባት ዓመት ሆነ፤ ሞተም።

፲፪ ኖህም በአራት መቶ ሀምሳ አመቱ ያፌትን ^ሀወለደ፤ እና ከአርባ ሁለት አመት በኋላ ^ለሴምን ከያፌት እናት ወለደ፣ እናም በአምስት መቶ አመቱም ^ሐካምንን ወለደ።

፲፫ ^ሀኖህና ልጆቹም ጌታን ^ለአደመጡ፣ እና ምክሩንም ተቀበሉ፣ እና የእግዚአብሐርም ^ሐልጆች ተብለው ተጠሩ።

፲፬ እነዚህ ወንዶች በምድር ገፅ ላይ እየተባዙ ሄዱ፣ እና ሴት ልጆችም ለእነርሱ ተወለዱላቸው፣ የሰው ^ሀወንዶችም እነዚህ ሴት ልጆች ቆንጆ እንደሆኑ አዩ፣ እና እንደፍላጎታቸውም እነዚህን ሚስቶቻቸው አደረጓቸው።

፲፭ ጌታም ለኖህ እንዲህ አለው፥ የወንድ ልጆችህ ሴት ልጆች ራሳቸውን ^ሀሸጠዋል፤ እነሆ፣ ቁጣዬ በሰው ልጆች ላይ ተቀጣጥላለች፣ ድምጼን አያደምጡምና።

፲፮ እንዲህም ሆነ ኖህም ተነበየ፣ እናም የእግዚአብሔርን ነገሮች፣ እንዲሁም በመጀመሪያው እንደነበረው፣ አስተማረ።

፲፯ ጌታም ለኖህ እንዲህ አለው፥ መንፈሴ ከሰው ጋር ሁልጊዜም ^ሀአይቆይም፣ እርሱ ሁሉም ^ለስጋ መሞት እንዳለበት ያውቃልና፤ ነገር ግን እድሜው አንድ መቶ ሀያ ይሆናል፤ እና ሰዎች ንስሀ ካልገቡ፣ ^ሐጎርፉን እልክባቸዋለሁ።

፲፰ በዚያም ቀናት ^ሀግዙፍ ሰዎች በምድር ላይ ነበሩ፣ እና ኖህን ለመግደልም ፈለጉ፤ ነገር ግን ጌታ ከኖህ ጋር ነበር፣ እና የጌታ ^ለሀይልም እርሱ ላይ አርፎ ነበር።

፲፱ ጌታ ^ሀበስርዓቱም ^ለኖኅን ^ሐሾመው፣ እና፣ ለሔኖክ እንደተሰጠው፣ ወደ ሰው ልጆች እንዲሄድ እና ወንጌሉን ^መእንዲሰብክ አዘዘው።

፳ እንዲህም ሆነ ኖህ የሰው ልጆች ^ሀንስሀ እንዲገቡ ጠራቸው፤ ነገር ግን የእርሱን ቃላትን አላደመጡም።

፳፩ ደግሞም፣ ከሰሙትም በኋላ፣ ወደ ፊቱ መጥተው እንዲህ አሉ፥ እነሆ፣ እኛ የእግዚአብሔር ልጆች ነን፤ የሰውን ሴት ልጆች ለራሳችን አልወሰድንም? እና ^ሀእየበላን እየጠጣን፣ እና እያገባንና በጋብቻ እየሠጠን አይደለንምን? ሚስቶቻችንም ልጆችን ወልደውልናል፣ እና እነዚህም እንደ ቀደሙት ሰዎች የታወቁ ጠንካራ ሰዎች ናቸው። እና የኖህን ቃላት አላደመጡም።

፳፪ እግዚአብሔርም የሰዎች ^ሀጥፋት በምድር ላይ የበዛ እንደሆነ አየ፤ እና የእያንዳንዱ ሰው የልቡ ^ለሀሳብ ምኞትም ሁልጊዜ ፈጽሞ ክፉ ሆነ።

፳፫ እንዲህም ሆነ፣ ኖህም ለህዝቡ ^ሀመስበክን እንዲህ በማለት ቀጠለ፥ አድምጡ፣ እና የቃላቶቼን ምክር ተቀበሉ፤

፳፬ እንደ አባቶቻችሁም ^ሀእመኑ ለኃጢአታችሁም ንስሀ ግቡ እና በእግዚአብሔር ልጅ በኢየሱስ ክርስቶስ ስም ^ለተጠመቁ፣ እና ሁሉንም ነገሮችን ^ሐይገለፅላችሁ ዘንድ መንፈስ ቅዱስን ለመቀበል ትችላላችሁ፤ እና ይህን ካላደረጋችሁ፣ የጥፋት ውሀ ይመጣባችኋል፤ ይህም ቢሆንም አላደመጡትም።

፳፭ ኖህም በዚህ ተጸጸተ፣ እናም በምድር ላይ እግዚአብሔር ሰውን በመፍጠሩ ልቡ ተጨነቀ፣ እና ይህም ልቡን እጅግ አሳዘነው።

፳፮ ጌታም እንዲህ አለ፥ የፈጠርሁትን የሰው፣ ሰውና እንስሣት፣ ተንቀሳቃሾች ፍጡራን እስከ ሰማይ ወፎች፣ ከምድር ገፅ ^ሀአጠፋለሁ፣ ስለፈጠርኳቸው እና ስለሰራኋቸው ኖህ ተጸጽቷልና፤ እና ህይወቱን ለማጥፋትም ስለሚፈልጉ እኔን ጠርቶኛል።

፳፯ እንዲሁም ኖህ በጌታ አይኖች ውስጥ ^ሀፀጋን አገኘ፤ በዘመኑ ከነበሩት ሰዎች ሁሉ ይልቅ ^ለፍጹምና ከበደል የራቀ ሰው ነበር፤ እና ሶስቱ ልጆቹ ሴም፣ ካምንና ያፌት እንዳደረጉት፣ ^ሐአካሄዱንም ከእግዚአብሔር ጋር አደረገ።

፳፰ ምድርም በእግዚአብሔር ፊት በክፉ ሥራ ^ሀረከሰች፣ እናም በአመጽም ተሞልታለች።

፳፱ እግዚአብሔር ምድርን ተመለከተ፣ እና እነሆ ረክሳ ሁሉም ስጋዎች ለባሽ አካሄዱን በምድር ላይ አበላሽቶ ነበርና።

፴ እግዚአብሔርም ኖህን እንዲህ አለው፥ የስጋ ለባሽ ሁሉ መጨረሻ በፊቴ መጥቷል፣ ምድርም በአመፅ ተሞልታለችና፣ እናም እነሆ ስጋን ሁሉ ከምድር ውስጥ ^ሀአጠፋለሁ።