Mosese 5
    Footnotes

    Wase 5

    (June–Okotova 1830)

    Erau sa vakaluveni ko Atama kei Ivi—Sa vakacabo isoro ko Atama ka qarava na Kalou—Erau sa sucu ko Keni kei Epeli—Sa vuki tani ko Keni ka sa lomani Setani vakalevu cake mai vua na Kalou, ka sa yaco me Veivakarusai—Sa tete tiko ga na laba kei na caka ca—Sa vunautaki tiko mai na ivakatekivu na kosipeli.

    1 Ka sa yaco, niu sa vakasavi rau oti, koi Au na Turaga na Kalou, sa tekivu me teivaka na qele ko Atama, ka alewai ira na manumanu kecega ni vanua, ka kana mai na buno ni yadrena, me vaka au sa vakarota vua koi Au na Turaga. Ia ko Ivi talega na watina, sa cakacaka vata kei koya.

    2 A sa veiyacovi kei na watina ko Atama, ka sa avakasucuma vua na luvena tagane kei na luvena byalewa, ka sa tekivu me rau cvakawa ka vakatawai vuravura.

    3 Ia mai na gauna ko ya, era sa lako yarua na aluvei Atama, era sa teivaka na qele, ka susu manumanu, ka ra vakaluveni tagane kei na yalewa.

    4 Erau sa masu vua na Turaga ko Atama kei Ivi na watina, a rau sa rogoca na domo ni Turaga ni sa vosa vei rau mai na Were ko aIteni, ia erau a sega ga ni raici koya; ni rau sa tawasei tani mai bmatana.

    5 A sa vakarota ko koya me rau aqarava na Turaga na nodrau Kalou, ka vakacabora na bulumatua ni nodrau qele ni manumanu me ivakacacabo vua na Turaga. A sa ctalairawarawa ko Atama ki na ivakaro ni Turaga.

    6 Ia ni sa oti e vuqa na siga, sa rairai vei Atama e dua na aagilosi ni Turaga, ka kaya: A cava ko sa bvakacabo isoro kina vua na Turaga? A sa sauma ko Atama ka kaya vua: Au sega ni kila. Ia sa vakaroti au vakakina na Turaga.

    7 A sa vosa na agilosi, ka kaya: Na ka oqo sa aivakatautauvata ni nona bvakacabori Koya na Le Duabau ga nei Tamada, o koya sa sinai ena cloloma soli wale kei na dina.

    8 O koya, mo dau kitaka kina na veika kecega ko vakayacora ena ayaca ni Luvena, ia mo bveivutuni ka cmasuta tikoga na Kalou ena yaca ni Luvena me tawamudu.

    9 Ia ena siga ko ya, sa curumi Atama kina na aYalo Tabu, ka vakadinadinataka na Tamada kei na Luvena, a sa kaya: Sai au na nona bLe Duabau ga na Tamada mai na ivakatekivu, ena gauna oqo ka sega ni mudu, ia mo na cvueti kina ni ko a sa dlutu tani, kei na kawatamata kecega, io kei ira kecega sa vakabauta.

    10 Ia mai na siga ko ya sa vakarokorokotaka na Kalou ko Atama ka sa avakasinaiti, a sa tekivu me bparofisaitaka na veika e baleti ira na veimatavuvale e vuravura, ka vaka: Me vakarokorokotaki tiko ga na yaca ni Kalou, ena noqu talaidredre sa tadola rawa kina na mataqu, io me’u kila na cmarau ena bula oqo, ka raica tale na Kalou ena dyagoqu.

    11 Ia sa rogoca na veika kece oqo ko aIvi na watina, ka sa marau kina, ka kaya: Kevaka keirau a sega ni talaidredre ke a sega na neirau bkawa, ka na sega ni rawa ni keirau kila na vinaka kei na ca, kei na reki ena neirau sa vueti, ka vakakina na bula tawamudu sa solia na Kalou vei ira sa talairawarawa.

    12 A rau sa vakarokorokotaka na yaca ni Kalou ko Atama kei Ivi; ka rau avakatakila na veika kece vei ira na luvedrau tagane kei na luvedrau yalewa.

    13 A sa lako mai vei ira ko aSetani, ka kaya: Raica koi au tale ga na luve ni Kalou; ka sa vakaroti ira, ka kaya: Dou kakua ni vakabauta; ka ra sa sega kina ni bvakabauta, a ra sa clomani Setani vakalevu cake mai vua na Kalou. A sa tekivu mai na gauna ko ya me ra sa dau gadreva na tamata na dveika vakayago, na daugarogaro kei na yalo vakatevoro.

    14 A sa vakaroti ira kece na tamata ena veivanua kecega na Turaga na Kalou ena nona aYalo Tabu me ra veivutuni.

    15 Ia ko ira kecega sa avakabauta na Luvena, ka veivutunitaka na nodra ivalavala ca, era na bvakabulai; ia ko ira kecega sa sega ni vakabauta ka sega ni veivutuni, era na ccudruvi; ia oqo na vosa sa lako mai na gusuna na Kalou ena ivakaro tudei; ia ena yaco vakaidina.

    16 Ia ko Atama kei Ivi na watina erau sa ia tiko ga na masu vua na Kalou. A rau sa veiyacovi ko Atama kei Ivi na watina, a sa kunekune ko koya ka vakasucumi aKeni ka kaya: Au sa rawata e dua na tagane mai vua na Turaga; ia ena muria ko koya na nona vosa. Ia raica, a sega ni muria ko Keni, ka kaya: Ko cei na Turaga me’u mai vakarorogo vua?

    17 A sa kunekune tale ko Ivi ka vakasucumi aEpeli na tacina. Raica sa btalairawarawa ko Epeli ki na domo ni Turaga. Ia ko Epeli sa dauvakana sipi, a sa daucaka were ko Keni.

    18 Ka sa alomani Setani vakalevu cake ko Keni mai vua na Kalou. Ka sa vakaroti koya ko Setani, ka kaya: Mo bcabora mada e dua na ivakacacabo vua na Turaga.

    19 Ia ni sa toso na gauna, sa yaco me kauta mai ko Keni na vua ni qele me ivakacacabo vua na Turaga.

    20 Ia ko Epeli tale ga, sa kauta mai eso na ulumatua ni nona manumanu, ka so na kedra uro. A sa vakadonui Epeli na Turaga, kei na nona aivakacacabo.

    21 Ia sa sega ni vakadonui Keni, kei na nona aivakacacabo ko koya. A sa kila na ka oqo ko Setani, ka sa reki vakalevu kina. A sa cudru sara ko Keni ka vuki na irairai ni matana.

    22 A sa kaya vei Keni na Turaga: A cava ko sa cudru kina? A cava sa rai vakatani kina na matamu?

    23 Kevaka ko sa caka vinaka, ko na avinakati. Ia kevaka ko sa sega ni caka vinaka, sa davo koto mai na katuba na ivalavala ca, raica sa gadreva ko Setani me lewai iko. Ia kevaka ko sa sega ni muria na noqu ivakaro, au na soli iko vua, raica ena lewai iko ko koya. Ia ko na lewai koya tale ga;

    24 Ia me tekivu mai na gauna oqo, ko sa na tama ni nona lasu; ia ena yacamu ko aVeivakarusai; ko sa bula ni bera ni buli ko vuravura.

    25 Ia ena qai dautukuni ena veigauna mai muri—Ni sa tekivu mai vei Keni na veika avakasisila oqo; ni a beca na ivakasala a solia mai na Kalou; ia kevaka ko sa sega ni veivutuni, ena tau vei iko na noqu cudru oqo.

    26 A sa cudru sara ko Keni, ka sega ni via vakarorogo ki na domo ni Turaga, ka sega tale ga ni vakarorogo vei Epeli, na tacina, o koya sa lako vaka dodonu ena mata ni Turaga.

    27 A rau sa tagi vua na Turaga ko Atama kei na watina, ena vukui Keni kei ira na nona ilawalawa.

    28 Ka sa yaco ni sa taura ko Keni e dua na luvei tuakana me watina, erau sa alomani Setani vakalevu cake mai vua na Kalou.

    29 A sa kaya vei Keni ko Setani: Mo bubului mada vei au ena domomu, ia kevaka ko na tukuna ko na mate; ia me ra bubului ena uludra ka bubului talega vua na Kalou bula ko ira na nomu ilawalawa, me ra kakua ni tukuna; ia kevaka era tukuna, era na mate vakaidina; oqo me kakua kina ni kila na tamamu; ia ena siga oqo au na soli Epeli kina na tacimu ki na ligamu.

    30 A sa bubului vei Keni ko Setani ni na vakayacora na veika sa vakarota. Ia sa caka vuni ga na veika kece oqo.

    31 A sa kaya ko Keni: Sai au dina ko Meani, na kenadau ni cakacaka vuni levu oqo, io me’u alaba ka rawa ka kina. A sa vakatokai ko Keni me ko bMeani na Kenadau, ka sa dokadokai koya ena nona itovo ca.

    32 A sa lako ki na were ko Keni, ka veivosaki vata kei Epeli na tacina ko Keni. Ka sa yaco ni rau sa tiko ena were, sa tucake ko Keni vei Epeli na tacina, ka vakamatei koya.

    33 A sa adokadokai koya ko Keni ena ka sa kitaka, ka kaya: Au sa qai galala; sa tu vakaidina e ligaqu na qele ni sipi nei taciqu.

    34 A sa kaya vei Keni na Turaga: Sa evei na tacimu, ko Epeli? A sa kaya ko koya: Au sa sega ni kila; koi au beka na aivakatawa i taciqu?

    35 A sa kaya na Turaga: A cava ko sa kitaka? Na domo ni dra nei tacimu sa tagi vei au mai na qele.

    36 Ia oqo ko sa cudruvi ena vuravura, na vuravura sa dolava na gusuna me gunuva na dra nei tacimu mai na ligamu.

    37 Ia ni ko sa teivaka na vanua ena sega ni solia vei iko na nona kaukauwa me vuavuai vinaka na veika ko tea. Raica ko na adauveidroyaki ka tiko sese e vuravura.

    38 A sa kaya ko Keni vua na Turaga: Sa atemaki au ko Setani ena noqu gagadre me’u taukena na qele ni sipi nei taciqu. Ia au sa cudru tale ga; ni ko ni sa vakadonuya na nona ivakacacabo ka segai na noqu; sa levu sara na kequ itotogi, ka’u sa sega ni vosota rawa.

    39 Raica ko ni sa vakasavi au edaidai mai na mata ni Turaga, ka’u na vuni tale ga mai na matamuni; au na dauveidroyaki ka tiko sese e vuravura; ia ena yaco, ko koya sa kunei au ena vakamatei au ena vuku ni noqu ivalavala ca; raica sa sega ni vunitaki mai vua na Turaga na veika oqo.

    40 Ia koi au na Turaga au sa kaya vua: O koya sa vakamatei iko, ena saumi vakavitu vua. Ia koi au na Turaga au sa avakatakilakilataki Keni me kakua ni mokuti koya e dua ni sa kunea.

    41 A sa tabonaki mai na aiserau ni Turaga ko Keni, ka sa tiko vata kei na watina kei ira na nona ilawalawa ena vanua ko Noti, e natuicake kei Iteni.

    42 A sa veiyacovi kei watina ko Keni; a sa kunekune ko koya ka vakasucumi Inoki, a sa vakasucuma talega e vuqa na luvena tagane kei na yalewa. A sa tara ko koya e dua na koro ka vakatoka na akoro ena yaca ni luvena ko Inoki.

    43 A sa sucu ko Irati na luvei Inoki, kei ira eso tale na luvena tagane kei na yalewa. A sa sucu ko Meujeli na luvei Irati, kei na so tale na luvena tagane kei na yalewa. A sa sucu ko Mecuseeli na luvei Meujeli, kei na so tale na luvena tagane kei na yalewa. A sa sucu ko Lemeki na luvei Mecuseeli.

    44 A sa taura ko Lemeki e rua na yalewa me watina; a yacana e dua ko Eta, ka yacana na ikarua ko Sila.

    45 A sa vakasucumi Jepali ko Eta; o koya na tamadra era sa dau tiko ena vale laca, kei ira era dauvakana manumanu e yavaiva; na yacai tacina ko Jupali, sai koya na tamadra kecega era dau ni api kei na saravini dre.

    46 Ia ko Sila tale ga, sa vakasucumi Tupali-keni, ko koya na nodra ivakavuvuli na matai ni parasa kei na kaukamea. Ia na ganei Tupali-keni ko Neama.

    47 A sa kaya ko Lemeki vei rau na watina, ko Eta kei Sila: Mo drau rogoca na domoqu koi kemudrau na wati Lemeki, drau vakarorogo ki na ka au sa tukuna; niu sa vakamatea e dua na tamata ka’u sa mavoa kina; kei na cauravou ka’u sa lauti kina.

    48 Ia kevaka sa vakavitu na kena isau ena vukui Keni, ena avakavitusagavulu kavitu vakaidina ena vukui Lemeki;

    49 A rau sa aveiyalayalati ko Lemeki kei Setani, me vaka a vakayacora ko Keni, ka sa yaco kina me ko Meani na Kenadau; io sai koya na kenadau ni cakacaka butobuto kecega sa vakavuna vei Keni ko Setani; ia sa kila na nodrau ka vuni ko Irati na luvei Inoki, ka sa vakatakila vei ira na luvei Atama;

    50 Ia ko Lemeki, ni sa cudru, sa vakamatei koya, e sega ni vaka na inaki a vakamatei Epeli kina na tacina ko Keni, me rawa ka kina, ia sa vakamatei koya ena vuku ni veiyalayalati.

    51 Ia sa tekivu mai na veisiga i Keni, na aveisoqosoqo vuni, na nodra cakacaka kecega sa caka ena butobuto, ia era sa veikilai vakai ira na lewena kecega.

    52 A sa cudruvi Lemeki kei na nona vuvale na Turaga, kei ira kece sa veiyalayalati vata kei Setani; ni ra sa sega ni muria na ivakaro ni Kalou ka sa cudru kina na Kalou, a sa vakanadakui ira, ka sa ka vakasisila na nodra cakacaka, ka sa tekivu me dewa na nodra cakacaka butobuto vei ira kece na aluve ni tamata. A sa tiko ena kedra maliwa na luve ni tamata.

    53 Era a sega ni dau veitalanoataka na ka oqo na yalewa, ia ni sa tukuna vei rau na watina ko Lemeki na ka vuni oqo, ka rau qai vorati koya kina, ka kacivaka na kena itukutuku ka sa sega vei rau na loloma;

    54 O koya sa beci kina ko Lemeki, ka vakasavi tani, a sa sega ni tiko vata kei ira na tamata, de na vakamatei.

    55 Ka sa vakaoqori na kena bula na cakacaka ni abutobuto vei ira kece na luve ni tamata.

    56 A sa cudruva na vuravura na Kalou ena cudru ca sara, ka sa rarawa ena vuku ni caka ca, vei ira kece na luve ni tamata ka a buli ira ko koya;

    57 Ni ra sa sega ni muria na domona, ka sega ni vakabauta na Luvena e aLe Duabau ga, io ko koya a yalataka ni sa bera ni tauyavutaki ko vuravura ni na lako mai ena ituvuka ni gauna.

    58 Ka sa tekivu me vunautaki na aKosipeli, mai na ivakatekivu, era sa vunautaka na bagilosi yalosavasava era sa talai mai na nona iserau na Kalou, kei na domona sara ga ko koya, ka vakakina ena cisolisoli ni Yalo Tabu.

    59 A sa vakadeitaki kina na lawa sa tukuni vei Atama, ena dua na cakacaka vakalotu tabu, ka vunautaki na Kosipeli, ka soli yani e dua na lewa, ni sa dodonu me tu e vuravura, me yacova na kena ivakataotioti; ka sa vakakina. Emeni.