DJS, Genesi 17:3–7, 11–12 (enzanisa Genesi 17:3–12)
(Mwari vakamisa chibvumirano chekudzingiswa naAbrahama. Chisungo cherubhabhatidzo uye nezera rinosvika vana vadiki mukuzvipindurira zvakazarurirwa kuna Abrahama.)
3 Uye zvakaitika kuti, Abrama akawira pasi nehuso hwake, uye akadaidzira kuzita raIshe.
4 Uye Mwari vakataura naye, achiti, Vanhu vangu varasika kubva pamitemo yangu, uye havana kuchengeta zvisungo zvangu, izvo zvandakapa kumadzibaba avo;
5 Uye havana kucherechedza kuzodza kwangu, nekuvigwa, kana rubhabhatidzo urwo rwandakavataurira;
6 Asi vakasiya murairo, uye vatora pachavo zvekugezeswa kwevana, neropa rekumwaya;
7 Uye vakati ropa reakarurama Aberi rakadeurirwa zvitadzo; uye havazive kuti ndepapi pavanofanira kuzvidavirira kwandiri.
11 Uye ndichamisa chibvumirano chekudzingiswa newe, uye chichave chibvumirano pakati pangu newe, nembeu yako mushure mako, muzvizvarwa zvavo; kuti iwe ugoziva narinhi kuti vana vadiki havana mhosva kwandiri kusvika vave nemakore masere ekubrekwa.
12 Uye uchacherechedza kuchengeta zvose zvibvumirano zvangu izvo zvandakabvumirana nemadzibaba ako; uye uchachengeta mirairo iyo yandakakupa nemuromo wangu, uye ndichave Mwari kwauri nekumbeu yako mushure mako.
DJS, Genesi 17:23 (enzanisa Genesi 17:17)
(Abrahama akafara pakataurwa nezve kuzvarwa kwaIsaka.)
23 Zvino Abrahama akawira pasi nechiso chake uye akafara, uye akati mumwoyo make, Kuchave nemwana achazvarwa kwaari uyo ane zana remakore ekuberekwa, naSara ane makore makumi mapfumbamwe emakore achabereka.