Temple Recommend Kokoamu Mpɛnsapɛnsamu

1. Ana ewɔ gyedzi na dasegye wɔ Nyame, Onnyiewiei Egya no; Ne Ba, Jesus Christ, na Sunsum Krɔnkrɔn no mu a?

2. Ana ewɔ dasegye wɔ Jesus Christ No Werdambɔ no mu na Ne dzibew dɛ w’Agyenkwa na Pomfo?

3. Ana ewɔ dasegye wɔ Jesus Christ asɛmpa ne Nsan-ananmu ho?

4. Ana ema Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no ne President no tsĩpia dɛ nkɔnhyɛnyi, adzehunyi, nye nyikyerɛfo na dɛ ɔno nko nye nyimpa a ɔwɔ tumdzi dɛ ɔdze asɔfodzi nsaafee no nyina dzi dwuma?

   Ana ema Apamfo a wɔwɔ President a Odzi Kan na n’Apamfo mu, nye Asomafo Duebien no hɔn Quorum mba no tsĩpia dɛ nkɔnhyɛfo, adzehufo, nye nyikyerɛfo?

   Ana ema Wiadze Mfɛndzanan Etumdzifo Etsitsir na sɔn mu Asɔr baanodzifo no tsipia?

5. Ewuradze ase dɛ ɔwɔ dɛ “[wɔyɛ] ndzɛmba nyina wansawansa” wɔ N’enyim (Nkyerɛkyerɛ na Ahyɛmudzi 42:41).

   Ana ebɔ mbɔdzen dɛ w’adwendwen na wo ndzeyɛɛ bɛyɛ wansawansa su?

   Ana isie ahosan mbra no?

6. W’ebusua mu mba na binom mu no ana wo kokoamu na bagua mu suban kyerɛ dɛ idzi Jesus Christ N’Asɔr ne nkyerɛkyerɛ do?

7. Ana ifua anaa idzi adzekyerɛ, ndzeyɛɛ, anaa nkyerɛkyerɛ binom ekyir a ɔnye Jesus Christ N’Asɔr a ɔwɔ hɔ ma Nda a Odzi Ekyir Ahotseweefo dze no bɔ ebira a?

8. Ana ebɔ mbɔdzen dɛ ibesie Ahomgyeda no krɔnkrɔn, wɔ fie na asɔr nyina mu, ekɔ wo nhyiamu horow no, na eyɛ ahosiesie na idzi sacrament no emudzi mu; na ebɔ bra a ɔnye asɛmpa mbra na mbransɛm no saa?

9. Ana ebɔ mbɔdzen dɛ ibedzi nokwar wɔ dza eyɛ nyinara mu?

10. Ana eyɛ nyimpa a otua n’ebupɛn-du emudzi mu?

    Ma asɔrmba afoforfo a wɔrohwehwɛ recommend akɛyɛ ananmusinyi enuma na pisi: Ana ewɔ pɛ dɛ ibedzi mbrasɛm no dɛ yentua ebupɛn-du no do a?

11. Ana etse Enyansasɛm no ase na idzi do a?

12. (Wogya asɛmbisa yi ber a wɔreyɛ abofra anaa abasirba kokoamu mpɛnsapɛnsamu.) Ana ewɔ sikasɛm anaa asɛdze bi ma ɔhokãfo dadaw anaa mba a?

    Sɛ nyew a, ayɛ w’asɛdze yinom pɛpɛɛpɛ besi ndɛ?

13. (Wogya asɛmbisa yi ber a wɔreyɛ asɔrba a ɔnngyee ne endowment.) Ana isie ahyɛmudzi a eyɛɛ no wɔ temple mu no?

14. (Wogya asɛmbisa yi ber a wɔreyɛ asɔrba a ɔnngyee ne endowment.) Ana idzi wo ndzinoa krɔnkrɔn no nyi dɛ ebɛhyɛ garment no dɛ mbrɛ wɔkyerɛkyerɛ wo wɔ ahyɛse ayɛdze horow mu no? (Kenkan “Temple Garment ne Nhyɛe” ho asɛnkã, a dza ɔkã ho wɔ ase yi, kyerɛ asɔrba biara.)

15. Ana bɔn akɛse wɔ w’abrabɔ mu a ohia dɛ enye asɔfodzi tumdzifo siesie a, ɔkã wo nnuhu ho?

16. Ana esusu woho dɛ idzi mu dɛ ihɛn Ewuradze ne fi mu na ekɛyɛ temple ayɛdze horow?

President a Odzi Kan na n’Apamfo ama kwankyerɛ yi a odzi do yi wɔ garment ne nhyɛe ho:

“Asɔfodzi krɔnkrɔn no ne garment no kaa hɛn ntwamutam a ɔwɔ temple no, na dɛm ntwamutam no yɛ Jesus Christ ho sɛnkyerɛdze. Sɛ hom hyɛ hom garment a, hom hyɛ Jesus Christ ho sɛnkyerɛdze krɔnkrɔn. Yɛrehyɛ no yɛ guado adzeyɛ a ɔkyerɛ hɛn mu pisi dɛ yɛbɛkã No do. Temple garment no so yɛ nkaadze ma ahyɛmudzi horow a yɛyɛ no wɔ temple mu no. Garment no ɔwɔ dɛ wɔhyɛ no anapa na anafua wɔ hom abrabɔ nyina mu. Sɛ otwar dɛ woyi yɛ dwumadzi a wonnkotum ayɛ ara yie ber a wɔhyɛ garment no a, woewie yɛ no, hom nhwehwɛ dɛ ntsɛmpa noara hom bɛsan ahyɛ. Ber a hom sie ahyɛmudzi horow, a ndzinoa krɔnkrɔn dɛ hom hyɛ garment no dɛ mbrɛ wɔkyerɛkyerɛɛ no wɔ ahyɛse ayɛdze horow no, kã ho no, hom benya Agyenkwa no n’ehumbɔbɔr, bambɔ, ahoɔdzen, na tum ho kwan kɛsenara.”

Asɔfodzi baanodzifo no tsĩ mu kyerɛ asɔrba no hia ohia dɛ ɔbɔ ne recommend no ho ban. Onnyi dɛ ɔdze fɛm obi dabiarada na ɔsɛ dɛ sɛ ɔyew anaa wowia a ntsɛmpa nara ɔbɔ nyia a ɔdze maa no amandzɛɛ.