Ayɛdze na Asɔr Dawurbɔ horow
Erehyɛ dzibew

Erema Asɔfodzi na Erehyɛ no mu Ɔfese

Asɔfodzi no wɔ nkyɛmu ebien: Aaron na Melchizedek dze. Sɛ wɔma nyimpa asɔfodzi a, wɔhyɛ no kɔ ɔfese bi wɔ dɛm asɔfodzi no mu. Wɔdze asɔfodzi yi mu kor ama no no, ohia ara dɛ wɔhyɛ no kɔ asɔfodzi ɔfese nkaa no a ɔwɔ dɛm asɔfodzi no mu.

Stake President no anaa nyia okitsa Melchizedek Asɔfodzi a ɔwɔ no kwankyerɛ ase no botum dze elder ɔfese ahyɛ banyin bi. Hɔn a wokitsa Melchizedek Asɔfodzi nko na wogyina kɔntɔnkrɔn no mu.

Stake President no anaa ɔsɔfo panyin a ɔwɔ no kwankyerɛ ase no botum dze ɔsɔfo panyin ɔfese ahyɛ banyin bi. Asɔfo mpanyinfo nko na wobotum egyina kɔntɔnkrɔn no mu.

Ɔsɔfo anaa nyia okitsa Melchizedek Asɔfodzi botum dze deacon, kyerɛkyerɛnyi, anaa ɔsɔfo ɔfese ahyɛ nuabanyin bi. Otwar dɛ bishop no na ɔma ho kwan. Otwar dɛ bishop no anaa obi a ɔda no edzi no wɔ hɔ.

Ama woeetum dze noho ahyɛ Aaron Asɔfodzi ne hyɛe mu no, otwar dɛ nyimpa no yɛ sɔfo anaa nyia okitsa Melchizedek Asɔfodzi.

Edze asɔfodzi no rema na ahyɛ nyimpa no akɔ asɔfodzi ɔfese mu no, asɔfodzifo a wɔama hɔn kwan dze hɔn nsa gu nyimpa no ne tsir do brɛww. Nyimpa baako dze ne ndze kasa:

  1. Bɔ nyimpa no ne dzin nyina.

  2. Kã tumdzi a ɔno ankasa kitsa a ɔdze yɛ ayɛdze no (Aaron anaa Melchizedek Asɔfodzi no).

  3. Ma Aaron anaa Melchizedek Asɔfodzi no, gyedɛ woedzi kan dze ama dadaada.

  4. Ɔhyɛ nyimpa no Aaron anaa Melchizedek ɔfese na ɔma no kyɛfa, tum na tumdzi wɔ dɛm ɔfese no mu.

  5. Ma nhyira nsɛm dɛ mbrɛ Sunsum no bɛkyerɛ.

  6. Owie wɔ Jesus Christ ne dzin mu.

Ama wɔaahyɛ nyimpa bi asɔfodzi ɔfese, woedzi kan ama no asɔfodzi a ɔfata no, nyimpa a ɔyɛ ayɛdze no gya anamɔn 3.