Enuma

Nsumuhyɛ enuma a nyia ɔwɔ ho tumdzi yɛ no hia ma nyimpa no abɛyɛ Asɔrba na ɔagye Sunsum Krɔnkrɔn no. Otwar dɛ hɔn a wɔrohwehwɛ nkwagye ntowdo no dzi Agyenkwa no ne fasusu do dze gye ayɛdze yinom.

Ɔsɔfo anaa nyia a okitsa Melchizedek Asɔfodzi no na ɔyɛ enuma ayɛdze no.

Adasefo beenu a baanodzinyi a ɔhwɛ ayɛdze no do apen do no, hwɛ enuma kor biara dze si no pi dɛ wɔayɛ no wɔ no kwan do. Asɔrmba a woenuma hɔn, a mbofra na mbasirmba kã ho no, botum asom dɛ adasefo.

Otwar dɛ wosi do yɛ enuma no sɛ nsɛmfua a wɔkãe no nnyɛ pɛpɛɛpɛr dɛ ma wɔama no wɔ Nkyerɛkyerɛ na Ahyɛmudzi 20:73 mu no a. Otwar so dɛ wosi do yɛ sɛ nyimpa no ne nyimpadua, tsinhwi, anaa efuradze no nyina annhyɛ nsu no ase a.

Wɔreyɛ enuma ayɛdze a, ɔsɔfo anaa nyia okitsa Melchizedek Asɔfodzi:

1. Nye nyimpa a wobonuma no gyina nsu no mu.

2. Ɔdze ne nsa bankum suo nyimpa no ne nsa nyimfa bakɔn mu (ama no ho abaa no na ɔayɛ dwudwoo). Nyimpa a wobonuma no dze ne nsa bankum suo nyia okitsa asɔfodzi no ne bankum bakɔn mu.

3. Ma n’enyimfa abasa do gyina square.

4. Bɔ nyimpa no ne dzin nyina na ɔkã dɛ, “Ɔnam tumdzi a Jesus Christ dze ama no do no ntsi, munuma wo wɔ Egya, nye Ɔba, nye Sunsum Krɔnkrɔn dzin mu. Amen” (Nkyerɛkyerɛ na Ahyɛmudzi 20:73).

5. Ma nyimpa no dze ne nsa nyimfa suo no hwen mu (ama no ho abaa no na ɔayɛ dwudwoo); nkyii ɔdze ne nsa nyimfa to nyimpa no n’ekyir ma ɔba sor ara yie na ɔdze nyimpa no ho nyinara hyɛ nsu no mu, a n’efuradze kã ho.

6. Boa nyimpa no ma ofi nsu no mu pue.