Sacrament

Asɔrmba hyia mu Ahomgyeda dɛ wɔrobɔsom Nyankopɔn na woedzi sacrament no. Ayɛdze yi ber mu no, wodzi paano na wɔnom nsu dze kaa Agyenkwa No honam na No bɔgyaa a Ɔdze bɔɔ afɔr na wokenyan hɔn ahyɛmudzi krɔnkrɔn no.

• Asɔfo na hɔn a wokitsa Melchizedek Asɔfodzi no botum ehyira sacrament no do.

• Deaconfo, akyerɛkyerɛfo, asɔfo, na hɔn a wokitsa Melchizedek Asɔfodzi no botum dze sacrament no akɔ aporɔw.

1. Nyimpa a ohyira paanoo no do no bu ntwɛr na ɔkã sacrament mpaabɔ a ɔwɔ hɔ ma paanoo no (hwɛ Nkyerɛkyerɛ na Ahyɛmudzi 20:77).

   O Nyankopɔn, Onnyiewiei Egya, yɛserɛ wo wɔ wo Ba, Jesus Christ ne dzin mu, dɛ hyira dɛm paanoo yi do na tsew ho ma akra a wobedzi nyina, ama woedzi dze akaa wo Ba no honandua, na wɔagye dase dze ama wo, O Nyankopɔn, Onnyiewiei Egya, dɛ woenya pɛ dɛ wɔbɛfa wo Ba ne dzin ato hɔn do, na wɔakaa no aber nyina na woedzi ne mbrasɛm a ɔdze ama hɔn no do; ama aber nyina woenya no Sunsum ma ɔnye hɔn atsena. Amen.

2. Nyimpa a ohyira nsu no do no bu ntwɛr na ɔkã sacrament mpaabɔ a ɔwɔ hɔ ma nsu no (hwɛ Nkyerɛkyerɛ na Ahyɛmudzi 20:79).

   O Nyankopɔn, Onnyiewiei Egya, yɛserɛ wo wɔ wo Ba Jesus Christ ne dzin mu, dɛ hyira dɛm nsu yi do na tsew ho ma akra a wɔbɔnom nyina, ama wɔayɛ dze akaa wo Ba no bɔgyaa a okyii maa hɔn; ama wɔagye dase dze ama wo, O Nyankopɔn, Onnyiewiei Egya, na wɔakaa no aber nyina, ama woenya no Sunsum ma ɔnye hɔn atsena. Amen.