Iriyi Asɔrmba Esi Hɔ ma Wɔasom wɔ Ɔfrɛ horow mu

Asɔrmba dodowara a wɔafrɛ hɔn na wɔama hɔn tsĩpia wɔ Asɔr dzibew horow mu no, ɔsɛ dɛ woyi hɔn si hɔ ma wɔsom wɔ dɛm dzibew no mu (hwɛ John 15:16; Nkyerɛkyerɛ na Ahyɛmudzi 42:11). Ber a wɔreyɛ woriyi esi hɔ ayɛdze no, wɔma nyimpa no (1) tumdzi dɛ obedzi dwuma wɔ ɔfrɛ no mu na (2) nhyira nsɛm dɛ mbrɛ Sunsum no bɛkyerɛ.

Stake presidentfo, bishopfo, na quorum presidentfo gye president na n’apamfo ho nsaafee ber a woyi hɔn si hɔ no. Mbom onnyi dɛ nsɛmfua nsaafee wɔbɔ do ber a woriyi asɔrmba ma wɔasom wɔ ɔfrɛ nkaa no mu, a president n’apamfo kã ho.

Ɔbaako anaa no mboree a wokitsa Melchizedek Asɔfodzi a wɔama no tumdzi dze hɔn nsa gu nyimpa no ne tsir do brɛww. Nkyii nyimpa baako dze ne ndze kasa:

1. Ɔbɔ nyimpa no ne dzin nyina.

2. Kã dɛ wɔdze Melchizedek Asɔfodzi tumdzi na wɔdze yɛ ayɛdze no.

3. Yi nyimpa no si hɔ ma ɔfrɛ no wɔ stake, ward, quorum, anaa class mu.

4. Ma nsaafee sɛ ɔsɛ dɛ nyimpa no gye a.

5. Ma nhyira nsɛm dɛ mbrɛ Sunsum no bɛkyerɛ.

6. Owie wɔ Jesus Christ ne dzin mu.