Mbofra Dzinto na Nhyira

Ɔtɔ dɛ wɔto mbofra dzin na wohyira hɔn akɔnkyen na dasegye nhyiamu ber wɔ ward anaa nkorbata a hɔn awofo tse no. Sɛ ɔnnyɛ dɛm ber yi na bea yi a, nna otwar dɛ bishop no ma abofra ne nhyira no ho kwan.

Bishop na n’apamfo hɔn kwankyerɛ ase no, hɔn a wokitsa Melchizedek Asɔfodzi boa ano wɔ kɔntɔnkrɔn mu dɛ wɔrobɔto abofra no dzin na woehyira no. Wɔdze hɔn nsa to abodomaba no n’ase, anaa wɔdze hɔn nsa gu abofra a oenyin kakra no ne tsir do brɛww. Nkyii nyimpa baako dze ne ndze kasa:

1. Kasa kyerɛ Ɔsor Egya wɔ mpaabɔ mu.

2. Kã dɛ wɔdze Melchizedek Asɔfodzi tumdzi no reyɛ nhyira no.

3. Ɔma abofra no dzin.

4. Ɔkasa kyerɛ abofra no.

5. Ɔma abofra no nhyira dɛ mbrɛ Sunsum no bɛkyerɛ no.

6. Owie wɔ Jesus Christ ne dzin mu.