Pisi

Oenuma nyimpa no ewie no, wosi no pi dɛ Asɔrba na ɔnam nsa a wɔdze gu do gye Sunsum Krɔnkrɔn no (hwɛ Nkyerɛkyerɛ na Ahyɛmudzi 20:41; Ndwuma 19:1–6). Nyimpa no bɛyɛ Asɔrba ber a wɔayɛ ayɛdze ebien yinom nyina na wɔakyerɛw ato hɔ yie (hwɛ John 3:5; Nkyerɛkyerɛ na Ahyɛmudzi 33:11; 3 Nephi 27:20).

Bishop na n’apamfo hɔn kwankyerɛ ase no, hɔn a wokitsa Melchizedek Asɔfodzi baako anaa no mboree no botum dze hɔn ho ahyɛ mu ma woesi nyimpa no pi. Wɔdze hɔn nsa gu nyimpa no ne tsir do brɛww. Nyimpa baako dze ne ndze kasa.

1. Ɔbɔ nyimpa no ne dzin nyina.

2. Kã dɛ wɔdze Melchizedek Asɔfodzi tumdzi na wɔdze yɛ ayɛdze no.

3. Si nyimpa no pi dɛ Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no n’asɔrba.

4. Kã dɛ “gye Sunsum Krɔnkrɔn no” (nnyɛ “gye Sunsum Krɔnkrɔn akyɛdze no”).

5. Ma nhyira nsɛmfua dɛ mbrɛ Sunsum no bɛkyerɛ no.

6. Owie wɔ Jesus Christ ne dzin mu.