Mga Interbyu para sa Pantemplong Rekomendasyon

An templo iyo an Harong kan Kagurangnan. An paglaog sa templo asin an pagpartisipar sa mga ordinansa duman sarong sagradong pribilehiyo. An pribilehiyong ini nakareserba sana para sa mga andam an espiritwalidad asin nag-iigot na mabuhay uyon sa mga sukulan kan Kagurangnan, segun sa itinukdo nin mga awtorisadong lider kan Pagkapadi.

Para masiguro ini, an mga lider kan Pagkapadi nag-iinterbyu kan miyembro gamit an mga hapot sa baba.

Mga Kahaputan sa Interbyu para sa Pantemplong Rekomendasyon

May pagtubod asin patotoo ka daw sa Dios, an Amang Daing Kasagkuran; sa Sa iyang Aki na si Jesu Cristo; asin sa Espiritu Santo?
May patotoo ka daw sa Pagbayad-Sala ni Jesu Cristo asin sa Saiyang katungdan bilang saimong Parasalbar asin Paratubos?
May patotoo ka daw sa Pagpapabalik kan Ebanghelyo ni Jesu Cristo?
Ginigibo mo daw na suportaran an Presidente kan An Simbahan ni Jesu Cristo kan mga Santo sa Huring Aldaw bilang propeta, parahiling, asin parapahayag, asin iyo sana an solong awtorisadong maggamit kan gabos na liabe nin pagkapadi?

Ginigibo mo daw na suportaran an mga miyembro kan Enot na Presidensya asin kan Korum kan Doseng Apostoles bilang mga propeta, parahiling, asin parahayag?

Ginigibo mo daw na suportaran an iba pang mga pangkagabsan na awtoridad asin mga lokal na lider kan Simbahan?
Sinabi kan Kagurangnan na an gabos na bagay kaipuhan “gibuhon nin may kalinigan” sa atubangan Niya (Doktrina asin mga Kasunduan 42:41).

Naghihinguha ka daw na maging malinig an saimong moralidad sa isip asin gibo?

Nagsusunod ka daw sa batas nin kalinigang puri?
Nagsusunod ka daw sa mga tukdo kan Simbahan ni Jesu Cristo sa saimong pampribado asin pampubliko na gibo kaibahan an saimong pamilya asin iba pang tawo?
Sinusoportaran o pinapauswag mo daw an ano man na katukduan, mga gibo, o doktrina na kontra sa mga katukduan kan An Simbahan ni Jesu Cristo kan mga Santo sa Huring Aldaw?
Naghihinguha ka daw na padanayon an pagkabanal kan Aldaw nin Pahingalo, sa harong asin sa Simbahan; mag atendir sa mga pagtiripon; mag-andam asin karapatdapat na mag-ako kan Sakramento; asin mabuhay na nakaangay sa mga batas asin togon kan Ebanghelyo?
Naghihinguha ka daw na maging honesto sa gabos mong ginigibo?
Ano ika bilog na nagbabayad nin ikapu?

Para sa mga bagong miyembro na naghahanap nin rekomendasyon para maggibo nin proksi na pagbunyag asin kumpirmasyon: Handa ka daw na sumunod sa togon na magbayad nin ikapu?
Naiintindihan asin tinutubod mo daw an Tataramon nin Kadonongan?
(An hapot na ini dai kabali sa pag-interbyu nin aki o hobenes.) May mga pinansyal o iba pang obligasyon ka daw sa dating agom o sa mga aki?

Kun iyo, nagigibo mo daw sa ngunyan an mga obligasyon na iyan?
(An hapot na ini dai kabali sa pag-interbyu nin miyembro na dai pa na-endow sa templo.) Naoutob mo daw an mga kasunduan na ginibo mo sa templo?
(Ang hapot na ini hinahali sa pag-interview nin miyembro na dai pa na-endow sa templo.) Ginagalang mo daw an sagrado mong pribilehiyo na magsulot kan gubing uyon sa instruksyon sa mga kapinunan na ordinansa? (Basahon an “An Pagsulot kan Pantemplong Gubing” na tataramon, na kaibahan sa baba, para sa kada miyembro.)
May mga seryoso ka baga na mga kasalan sa saimong buhay na kaipuhan marisolberan sa mga may awtoridad nin Pagkapadi bilang parte kan saimong pagsolsol?
Kinukunsiderar mo baga an sadiri mo na naaangay na makalaog sa harong kan Kagurangnan asin magpartisipar sa mga ordinansa sa templo?

An Pagsulot kan Pantemplong Gubing

An Enot na Presidensya nagtao kan minasunod na giya manungod sa pagsulot kan gubing:

“An gubing kan sagradong pagkapadi nagpapagirumdom sa sato manungod sa tabing kan templo, asin an tabing na iyan nagsisimbulo ki Jesu Cristo. Kun isusulot mo an gubing, isusulot mo an sagrado na simbolo ni Jesu Cristo. An pagsulot kaini iyo an panluwas na pagpapahiling kan saimong panlaog na paninindugan na masunod ka saiya. An gubing iyo man an pagirumdom kan saimong mga kasunduan sa templo. Kaipuhan mo ining suloton pirmi sa aldaw asin banggi sa bilog mong buhay. Kun kaipuhan mo ining hubaon para sa mga aktibidad na dai angay na sulot an gubing, siguraduhon lang na ma-isulot mo tulos ini giraray. Habang inuotub mo an saimong mga kasunduan, kaiba an sagradong pribilehiyo na magsulot kan gubing uyon sa instruksyon sa mga kapinunan na ordinansa, magkakaigwa ka nin dakulang oportunidad na makua an pagkaherak, proteksyon, kusog, asin kapangyarihan kan Parasalbar.”

Mga Dugang na Giya

Tinatawan-duon kan lider kan Pagkapadi sa miyembro na kaipuhan na bantayan asin ingatan an saiyang rekomendasyon. Dai dapat ini ipasubli asin ipaisi tulos sa nag-isyu kun ini nawara o nahabon.