Pag-administrar sa may Helang

An Pag-administrar sa may helang “sa paagi kan pagpatong kan mga kamot” igwang duwang parte: pagpahid nin lana asin pagsilyo kan pagpahid na may bendisyon. Kun mayong makua na nakonsagrang lana, puwedeng bendisyon na sana an itao sa paagi kan awtoridad kan Pagkapading Melquisedec maski dai na nin pagpahid.

An Pagpahid nin lana ginigibo sana kan may kapot kan Pagkapading Melquisedec. Siya:

1. Maglaag nin turo kan nakonsagrang lana sa payo kan tawo.

2. Ibugtak an saiyang kamot na magian sa payo kan tawo asin apudon siya sa saiyang bilog na pangaran.

3. Sambiton na isinasagibo niya ini sa awtoridad kan Pagkapading Melquisedec.

4. Sambiton na siya mapahid nin lana na kinonsagra para sa pagpahid asin pagbendisyon sa mga may helang asin nagsasakit.

5. Tapuson an pangadyi sa pangaran ni Jesu Cristo.

Asin tanganing iselyo an pagpahid, saro o mas dakol na may kapot kan Pagkapading Melquisedec an malaag kan saindang mga kamot na magian sa payo kan tawo. Dangan an nagse-selyo kan pagpahid:

1. Apodon an tawo sa saiyang bilog na pangaran.

2. Sambiton na isineselyo niya an pagpahid sa paagi kan awtoridad kan Pagkapading Melquisedec.

3. Magtao nin mga bendisyon sa giya kan Espiritu Santo.

4. Tapuson an pangadyi sa pangaran ni Jesu Cristo.