Pagpili kan mga Miyembro na ma Serbi sa mga Katungdan

An mga miyembro na inapod asin sinuportahan sa kadaklan na mga posisyon sa Simbahan dapat na pinili na magserbi sa posisyon na iyan. (hilingon sa Juan 15:16; Doktrina asin mga Kasunduan 42:11). Durante kan pagpili, an tawo tinatawan nin (1) awtoridad na maghiro sa saiyang katungdan asin (2) mga tataramon nin bendisyon sa giya kan Espiritu Santo.

An mga presidente kan estaka, obispo, asin presidente kan korum nakaka-resibe nin mga liabe nin presidensya sa pagpili sainda. Alagad, an tataramon na “liabe” dae dapat gamiton sa pagpili kan mga miyembro na ma serbi sa iba pang mga katungdan, pati an mga tagapayo sa mga presidensya.

Saro o dakol na may kapot kan Pagkapading Melquisedec an mabugtak kan saindang kamot na magian sa payo kan tawo. Dangan si maserbing boses:

1. Apudon sa saiyang bilog na pangaran.

2. Sambiton na isinasagibo niya ini sa awtoridad kan Pagkapading Melquisedec.

3. Pilion an tawo para sa katungdan sa estaka, ward, korum, o klase.

4. Itao an mga liabe sa tawo kun dapat na maresibe ninda ini.

5. Magtao nin mga bendisyon sa giya kan Espiritu Santo.

6. Tapuson an pangadyi sa pangaran ni Jesu Cristo.