Pagkompirma asin Regalo kan Espiritu Santo

Pakatapos na mabunyagan, siya kinokompirma na miyembro kan Simbahan asin makaresibe kan Espiritu Santo sa paagi kan pagpatong nin kamot (hilingon sa Doktrina asin mga Kasunduan 20:41; Mga Gibo 19:1–6). Ang kinumpirma magigi ng miyembro kan Simbahan pagkatapos na ma kumpleto asin pakaray na ma rekord an mga ordinansang ini. (hilingon sa Juan 3:5; Doktrina asin mga Kasunduan 33:11; 3 Nephi 27:20).

Sa irarum kan direksyon kan obispado, saro o dakol na may kapot na Pagkapading Melquisedec an ma partisipar sa pagkompirma. Ibinubugtak ninda nin magian an saindang mga kamot sa payo kan kokompirmahon. Dangan si maserbing boses:

1. Apudon an kokompirmahon sa saiyang bilog na pangaran.

2. Sambiton na an ordinansa isinasagibo sa paagi kan awtoridad kan Pagkapading Melquisedec.

3. Kumpirmahon an binunyagan na magin miyembro kan An Simbahan ni Jesus Cristo kan mga Santo sa Huring mga Aldaw.

4. Sambiton an “akuon mo an Espiritu Santo” (bakong “akuon mo an regalo kan Espiritu Santo”).

5. Magtao nin mga bendisyon sa giya kan Espiritu Santo.

6. Tapuson an pangadyi sa pangaran ni Jesu Cristo.