Pagtao kan Pagkapadi asin Pag-ordinar sa Opisina

Igwa nin duwang dibisyon an pagkapadi: an Pagkapading Aaron asin an Pagkapading Melquisedec. Kun naitao na an pagkapadi sa sarong tawo, siya man inoordinar sa opisina kan nasabing pagkapadi. Pagkatapos na maitao an arinman sa duwang pagkapadi na ini, an lalaki nangangaipo na sana nin pag-ordinar sa iba pang mga opisina sa nasabing pagkapadi.

An presidente kan estaka o an may kapot kan Pagkapading Melquisedec sa irarom kan saiyang direksyon puwedeng mag-ordinar sa sarong lalaki sa opisina kan elder. An mga may kapot sana kan Pagkapading Melquisedec an puwedeng magtindog sa bilog.

An presidente kan estaka o an nakakalangkaw na padi sa irarom kan saiyang direksyon puwedeng mag-ordinar sa sarong lalaki sa opisina kan nakakalangkaw na padi. An mga nakakalangkaw na padi sana an puwedeng magtindog sa bilog.

An padi o an may kapot kan Pagkapading Melquisedec puwedeng mag-ordinar sa sarong lalaki sa opisina kan diakono, maestro, o padi. Kinakaipuhan na siya awtorisado kan obispo. An obispo o an lalaki na tinawan niya nin awtoridad kinakaipuhan na presente.

Para makapartisipar sa ordinasyon sa Pagkapading Aaron, an sarong lalaki kinakaipuhan na padi o may kapot nin Pagkapading Melquisedec.

Sa pagtao kan pagkapadi asin pag-ordinar sa lalaki sa sarong opisina kan pagkapadi, saro o dakol na awtorisadong may pagkapadi ibinubugtak ninda an saindang mga kamot na magian sa payo kan lalaki. Dangan si maserbing boses:

Apudon sa saiyang bilog na pangaran.
Sambiton kun ano an saiyang awtoridad na kapot para sa pagsagibo kan ordinansa (puwedeng Pagkapading Aaron o Melquisedec).
Itao an Pagkapading Aaron o Melquisedec, apuwera kun ini tapos ng maitao.
E-ordinar an lalaki sa opisina kan Pagkapading Aaron o Melquisedec asin itao saiya an mga pribilehiyo, kapangyarihan asin awtoridad kan nasambit na opisina.
Magtao nin mga bendisyon sa giya kan Espiritu Santo.
Tapuson an pangadyi sa pangaran ni Jesu Cristo.

Sa pag-ordinar nin sarong lalaki sa opisina kan Pagkapadi matapos na maitao saiya an angay na Pagkapadi, an nag-oordinar dai na gigibohon an ikatolong lakdang.