Pagbunyag

An pagbunyag sa paagi kan paglubog sa tubig kan sarong tawong may awtoridad kinakaipu tanganing maging miyembro kan Simbahan asin makaresibe kan Espiritu Santo. An gabos na naghahanap nin eksaltasyon kaipuhan na magsunod sa halimbawa kan Parasalbar sa paagi kan pagresibe kaining mga ordinansa.

An ordinansa kan pagbunyag ginigibo kan sarong padi o may kapot na Pagkapading Melquisedec.

Duwang testigo, na inaprubaran kan namamayong lider, oobserbaran an kada pagbunyag tanganing masiguro na ini ginibo nin tama. An mga nabunyagan na miyembro kan Simbahan, kaibahan an kaakian saka an mga hobenes, pwedeng magserbing mga testigo.

An pagbunyag kaipuhan na otrohon kun an mga tataramon dai nasabing eksakto arog kan nasa Doktrina asin mga Kasunduan 20:73. Kaipuhan man ini na otrohon kun an parte kan lawas, buhok, o bado kan binubunyagan dai gabos nailubog sa tubig.

Sa paggibo kan ordinansa kan pagbunyag, an padi o may kapot na Pagkapading Melquisedec:

1. Matindog sa tubig kaiba an bubunyagan.

2. Kaputan kan nagbubunyag an too na pulsuhan kan bubunyagan gamit an saiyang wala na kamot (para sa kapasilan asin kasigurohan). An bubunyagan makapot sa too na kamot kan nagbubunyag gamit an saiyang wala na kamot.

3. Itaas kan nagbubunyag an saiyang too na braso pa-kwadrado.

4. Sambiton an buong pangaran kan bubunyagan asin masabing, “Ako na pinag-otoban ni Jesu Cristo, bubunyagan taka sa ngaran kan Ama, asin kan Aki, asin kan Espiritu Santo. Amen” (Doktrina asin mga Kasunduan 20:73).

5. Kaputan kan bubunyagan an saiyang dungo gamit an saiyang too na kamot (para sa kapasilan); tapos ilalaag kan mabunyag an saiyang too na kamot sa likod kan bubunyagan asin ilulubog na entero an bubunyagan pati an saiyang bado.

6. Tabangan an binunyagan na mag hawas sa tubig.