Atministrá na e Enfermo

Atministrá na esnan enfermo “pa medio di ponementu di man” tin dos parti: ungimentu ku zeta i seyamentu di e unshon ku un bendishon. Si zeta konsagrá no ta disponibel, un bendishon por wòrdu duná pa medio di e outoridat di e Saserdosio di Melkisedèk sin un unshon.

Unshon ku zeta ta wòrdu hasí pa medio di un poseedó di Saserdosio di Melkisedèk. E:

1. Ta pone un gota di zeta konsagrá riba e persona su kabes.

2. Ta pone su mannan, no muchu pisá, riba e persona su kabes i ta yama e persona na su nòmber kompleto.

3. Ta deklará ku e ta aktua pa medio di e outoridat di e Saserdosio di Melkisedèk.

4. Ta deklará ku e ta ungiendo ku zeta ku a wòrdu konsagrá pa e unshon i bendishon di e enfermo i afligí.

5. Ta konkluí den e nòmber di Hesu-Kristu.

Pa seya e unshon, un òf mas poseedó di Saserdosio Melkisedèk ta pone nan man, no muchu pisá, riba e persona su kabes. E ora ei esun ku ta seya e unshon:

1. Ta yama e persona na su nòmber kompleto.

2. Ta deklará ku e ta seya e unshon pa medio di e outoridat di e Saserdosio di Melkisedèk.

3. Ta duna palabranan di bendishon segun guia di e Spiritu.

4. Ta konkluí den e nòmber di Hesu-Kristu.