Konfirmashon i Don di e Spiritu Santu

Despues ku un persona wòrdu batisá, e ta wòrdu konfirmá un miembro di e Iglesia i ta risibí e Spiritu Santu pa medio di imposishon di man (wak Doktrina i Kombenionan 20:41, Echonan 19:1–6). E persona ta bira miembro di e Iglesia despues ku ámbos di e ordenansanan aki wòrdu kompletá i registrá di manera apropiá (wak Huan 3:5; Doktrina i Kombenionan 33:11; 3 Nefi 27:20).

Bou di e direkshon di e obispado, unu òf mas poseedó di Saserdosio Melkisedèk por partisipá den un konfirmashon. Nan ta pone nan man, no muchu pisá, riba e persona su kabes. Despues esun ku ta papia:

1. Ta yama e persona na su nòmber kompleto.

2. Ta deklará ku e ordenansa ta wòrdu efektuá pa medio di e outoridat di e Saserdosio di Melkisedèk.

3. Ta konfirmá e persona un miembro di E Iglesia di Hesu-Kristu di e Santunan di e Delaster Dianan.

4. Ta deklará “risibí e Spiritu Santu” (no “risibí e don di e Spiritu Santu”).

5. Ta duna palabranan di bendishon segun guia di e Spiritu.

6. Ta konkluí den e nòmber di Hesu-Kristu.