E Sakramento

Miembronan di Iglesia ta reuni riba e dia di Sabat pa adorá Dios i partisipá di e sakramento. Durante e ordenansa aki, nan ta partisipá di e pan i awa pa rekòrdá e Salbador su sakrifisio di Su karni i sanger i pa renobá nan kombenionan sagrado.

• Presbiteronan i poseedónan di Saserdosio Melkisedèk por bendishoná e sakramento.

• Diakono, maestro, presbitero, i poseedónan di Saserdosio Melkisedèk por parti e sakramento.

1. E persona ku ta bendishoná e pan ta bai na rudia i bisa e orashon di sakramento pa e pan (wak Doktrina i Kombenionan 20:77).

   O Dios, e Tata Eterno, nos ta pidi bo den e nòmber di bo Yu, Hesu-Kristu, pa bendishoná i santifiká e pan aki pa e almanan di tur esnan ku partisipá di dje, pa nan por kome den memoria di e kurpa di bo Yu, i testifiká na abo, O Dios, e Tata Eterno, ku nan ta dispuesto pa tuma riba nan e nòmber di bo Yu, i semper kòrd’é i warda su mandamentunan ku el a duna nan; pa nan por tin su Spiritu semper huntu ku nan. Amèn.

2. E persona ku ta bendishoná e awa ta bai na rudia i bisa e orashon di sakramento pa e awa (wak Doktrina i Kombenionan 20:79).

   O Dios, e Tata Eterno, nos ta pidi bo den e nòmber di bo Yu, Hesu-Kristu, pa bendishoná i santifiká e awa aki pa e almanan di tur esnan ku bebe di dje, pa nan por hasié den memoria di e sanger di bo Yu, ku a wòrdu dramá pa nan; pa nan por testifiká na abo, O Dios, e Tata Eterno, pa semper nan por kòrd’é, pa nan por tin su Spiritu huntu ku nan. Amèn.