Konferí e Saserdosio i Ordená na un Ofisio

Tin dos divishon di e saserdosio: esun Aaróniko i Melkisedèk. Ora ta konferí e saserdosio na un persona, e ta wòrdu ordená tambe na un ofisio den e saserdosio ei. Despues ku kualke un di e saserdosio aki a wòrdu konferí, un hòmber mester solamente wòrdu ordená na otro ofisionan den e saserdosio ei.

E presidente di estaka òf un poseedó di Saserdosio di Melkisedèk bou di su direkshon por ordená un hòmber na e ofisio di ansiano. Solamente poseedónan di Saserdosio di Melkisedèk por para den e sírkulo.

E presidente di estaka òf un sumo saserdote bou di su direkshon por ordená un hòmber na e ofisio di sumo saserdote. Solamente sumo saserdotenan por para den e sírkulo.

Un presbitero òf poseedó di Saserdosio di Melkisedèk por ordená un ruman hòmber na e ofisio di diákono, maestro òf presbitero. E mester ta outorisá pa e obispu. E obispu òf un hende ku e designá mester ta presente.

Pa partisipá den un ordenashon di Saserdosio Aaróniko, un persona mester ta un presbitero òf poseedó di Saserdosio di Melkisedèk.

Pa konferí e saserdosio i ordená un persona na un ofisio di saserdosio, un òf mas poseedó di saserdosio outorisá ta pone nan man no muchu pisá riba e persona su kabes. Despues esun ku ta papia:

1. Ta yama e persona na su nòmber kompleto.

2. Ta deklará e outoridat ku e ta karga personalmente pa efektuá e ordenansa (sea e Saserdosio Aaróniko òf Melkisedèk).

3. Ta konferí e Saserdosio Aaróniko òf Melkisedèk, a ménos ku el a wòrdu konferí kaba.

4. Ta ordená e persona na un ofisio den e Saserdosio Aaróniko òf Melkisedèk i ta otorgá e derechonan, podernan i outoridat di e ofisio ei.

5. Ta duna palabranan di bendishon segun guia di e Spiritu.

6. Ta konkluí den e nòmber di Hesu-Kristu.

Pa ordená un persona na un ofisio di saserdosio despues ku a konferí e saserdosio apropiá kaba na dje, e persona ku ta hasi e ordenashon ta omití paso 3.