Boutismo

Boutismo pa medio di inmershon den awa dor di unu ku tin outoridat ta nesesario pa un persona por bira un miembro di e Iglesia i risibí e Spiritu Santu. Tur ku ta buska eksaltashon mester sigui e ehèmpel di e Salbador dor di risibí e ordenansanan aki.

E ordenansa di boutismo ta wòrdu realisá dor di un presbitero òf un poseedó di Saserdosio Melkisedèk.

Dos testigu, aprobá pa e lider ku ta presidí, ta opservá kada boutismo pa sigurá ku e ta wòrdu efektuá di manera apropiá. Miembronan batisá di e Iglesia, inkluyendo mucha i hóbennan, por sirbi komo testigunan.

Mester ripiti un boutismo si e palabranan no wòrdu ekspresá eksaktamente manera duná den Doktrina i Kombenionan 20:73. E mester wòrdu ripití tambe si parti di e kurpa di e persona, òf paña no sumergí kompletamente.

Pa efektuá e ordenansa di boutismo, un presbitero òf poseedó di Saserdosio Melkisedèk:

1. Ta para den awa ku e persona ku ta wòrdu batisá.

2. Ta tene e persona su pòls drechi ku su man lenks (pa komodidat i siguridat). E persona ku ta wòrdu batisá ta tene e poseedó di saserdosio su pòls lenks ku su man lenks.

3. Ta alsa su man drechi den kuadra.

4. Ta deklará e persona su nòmber kompletu i bisa, “Ku outoridat duná n’ami di Hesu-Kristu, mi ta batisá bo den e nòmber di e Tata, i di e Yu, i di e Spiritu Santu. Amèn” (Doktrina i Kombenionan 20:73).

5. Laga e persona tene su nanishi ku man drechi (pa komodidat); despues ta pone su man drechi altu riba lomba di e persona i ta sumergí e persona kompletamente, inkluyendo paña.

6. Ta yuda e persona sali for di awa.