Apartá Miembronan pa Sirbi den Yamamentunan

Miembronan ku ta wòrdu yamá i sostené na mayoria posishon di Iglesia mester wòrdu apartá pa sirbi den e posishon ei (wak Huan 15:16 ; Doktrina i Kombenionan 42:11). Durante e seshon di apartá, e persona ta haña (1) outoridat pa aktua den e yamamentu i (2) palabranan di bendishon segun guia di e Spiritu.

Presidentenan di estaka, obispu i presidentenan di quorum ta risibí yabinan di presidensia ora nan wòrdu apartá. Sinembargo, e palabra yabinan no mester wòrdu usá na momentu ku ta apartá miembronan pa sirbi den otro yamamentunan, inkluyendo konseheronan den presidensianan.

Un òf mas poseedó di Saserdosio di Melkisedèk outorisá ta pone nan man, no muchu pisá, riba kabes di e persona. Despues esun ku ta papia:

1. Ta yama e persona na su nòmber kompleto.

2. Ta deklará ku e ta aktua pa medio di e outoridat di e Saserdosio di Melkisedèk.

3. Ta apartá e persona na e yamamentu den estaka, bario, quorum òf klas.

4. Ta konferí yabinan si e persona mester risibí nan.

5. Ta duna palabranan di bendishon segun guia di e Spiritu.

6. Ta konkluí den e nòmber di Hesu-Kristu.