Foto Istwa Legliz yo

Kontni
Entwodiksyon
Rezime
1. Boskè Sakre
2. Kolin Kimora ak Zòn Palmyra-Manchester a
3. Kay planch Joseph Smith, papa a
4. Près ak Enprimri Grandin an
5. Rivyè Susquehanna
6. Anplasman Kay Peter Whitmer, papa a
7. Magazen Newel K. Whitney ak Konpayi
8. Kay John Johnson
9. Tanp Kirtland nan
10. Adan-ondi-Aman
11. Anplasman Tanp Far West la
12. Prizon Liberty a
13. Mansion House nan Nauvoo a
14. Magazen Brik Wouj Pwofèt Joseph Smith la
15. Tanp Nauvoo
16. Prizon Carthage
17. Egzòd al nan Lwès la
18. Tanp Salt Lake la

Foto Istwa Legliz yo

Foto Istwa Legliz yo

Entwodiksyon
Foto sit istorik Legliz enpòtan sa yo montre tè kote premye Sen Dènye Jou yo te mache, kote pwofèt modèn yo te viv ak anseye, epi kote anpil evènman nan ekriti yo te pase.
Rezime
Kat jeyografik ki anba a montre lokasyon foto yo nan seksyon sa a. Nan paj apre yo, chak foto ki nimewote gen yon deskripsyon kout ki akonpaye li. Apre sa a, gen yon lis evènman siyifikatif ki te fèt nan lokal ki demontre nan foto a, ansanm avèk referans ekriti pou nou kapab konnen kikote nou ka jwenn plis enfòmasyon konsènan evènman sa yo pou n li.
1. Boskè Sakre
Boskè Sakre a tabli nan lavil Palmyra ak Manchester, New York. Rak bwa sa a kanpe sèlman nan lwès kote ti kay planch fanmi Smith la te ye a lane 1820.
2. Kolin Kimora ak Zòn Palmyra-Manchester a
Nan direksyon nò, foto sa a montre Kolin Kimora, nan Manchester, New York. Kolin nan parèt nan kwen ki pi ba sou men dwat foto a epi l rive yon ti kal pi wo pase mwatye foto a. Moniman blan ki vizib nan kwen nò kolin nan rann omaj ak zanj Mowoni ak aparisyon Liv Mòmon an. Kolin Kimora a sitiye anviwon 5 kilomèt nan sidès Boskè Sakre a. Toupre tèt foto a nou wè Vilaj Palmyra a, nan yon distans 6½ kilomèt. Fèm fanmi Smith la ak Boskè Sakre a sitiye sou kote goch ki anlè foto a.
3. Kay planch Joseph Smith, papa a
Modèl Kay Joseph Smith, papa a, ki te bati sou anplasman orijinal kay planch ki tou pre Palmyra, New York la. Fanmi Smith te bati kay planch yon etaj edmi sa a pa lontan apre yo te fin rive nan Palmyra. Fanmi an te viv nan kote sa a soti 1819 rive 1825.
4. Près ak Enprimri Grandin an
Enprimri Egbert B. Grandin an ki restore nan Palmyra, New York, kote premye edisyon Liv Mòmon yo te pibliye nan lane 1830. Martin Harris te fèt dèt sou fèm li a epi l te vann yon pati ladan l pou l peye lajan pou enprime 5.000 kopi Liv Mòmon an. Travay tape liv yo te kòmanse nan mwa Out 1829, epi kopi ki te fini yo te prè nan dat 26 Mas 1830.
5. Rivyè Susquehanna
Foto sa a montre Rivyè Susquehanna nan Vil Harmony, Pennsylvania.
6. Anplasman Kay Peter Whitmer, papa a
Kay planch sa a reprezante kay orijinal Peter Whitmer, papa a nan Fayette, New York.
7. Magazen Newel K. Whitney ak Konpayi
Magazen Newel K. Whitney a te jwe wòl enpòtan nan istwa Legliz la nan Kirtland. Joseph ak Emma Smith te abite nan kote sa a pandan yon ti tan. Plizyè revelasyon te resevwa nan kote sa a. Lekòl Pwofèt yo te fèt nan magazen an soti 24 Janvye 1833 rive bò Avril 1833.
8. Kay John Johnson
Kay John ak Alice Johnson nan te tabli nan Hiram, Ohio. Chanm sa a nan dezyèm etaj la.
9. Tanp Kirtland nan
Tanp Kirtland nan tabli nan Kirtland, Ohio.
10. Adan-ondi-Aman
Sou direksyon sid nan vale Adan-ondi-Aman nan, yon bèl vale trankil chita nan nòdwès Missouri, tou pre kominote Gallatin an.
11. Anplasman Tanp Far West la
Vilaj Far West, Missouri a te vin abri pou 3.000 jiska 5.000 Sen ki t ap chèche refij kont pèsekisyon nan Konte Jackson ak Konte Clay. An 1838 Senyè a te kòmande Sen yo pou yo te bati yon tanp nan kote sa a (gade D&A 115:7–8). Pèsekisyon bandi yo te anpeche yo fè sa. 31 Oktòb menm ane a, yo te arete Pwofèt Joseph Smith ak lòt dirijan Legliz yo epi apre yon pwosè nan Richmond, yo te fèmen yo nan Prizon Liberty a. Pandan livè 1838–1839 la, yo te chase Sen Dènye Jou yo soti nan Far West ak lòt kote nan Missouri epi yo te bwote al tabli ankò nan Illinois.
12. Prizon Liberty a
Prizon nan Liberty, Missouri, apeprè an 1878. Yo te enjisteman fèmen Joseph Smith ak senk lòt frè andedan prizon sa a kote mi yo gen yon lajè 1,2 mèt, soti 1e Desanm 1838 rive 6 Avril 1839. (Yo te lage Sidney Rigdon nan finisman Fevriye a.) Fèmen nan etaj ki pi ba oubyen nan sousòl batiman an, yo te dòmi atè frèt la, kouvri avèk pay, avèk yon ti kras limyè epi san pwoteksyon nan livè frèt la.
13. Mansion House nan Nauvoo a
Joseph Smith, pitit la, ak fanmi l te vin abite nan Mansion House Nauvoo a nan mwa Out 1843. Pita, yon lòt pati te ajoute sou bò lès kay la ki te vin fè yon total 22 pyès. Apati Janvye 1844, Ebenezer Robinson te jere kay la kòm yon otèl, epi Pwofèt la te kenbe sis nan pyès yo pou fanmi l. Kay la te sèvi nan kèk fason kòm yon sant sosyal pou sosyete Nauvoo a. Pwofèt la te resevwa fonksyonè enpòtan nan lokal sa a.
14. Magazen Brik Wouj Pwofèt Joseph Smith la
Rekonstriksyon magazen ak biwo Joseph Smith, pitit la, sa a te sitiye nan Nauvoo, Illinois. Li te youn nan batiman ki te pi enpòtan nan Legliz la nan epòk Nauvoo a. Non sèlman li te sèvi kòm yon magazen jeneral, li te vin tounen sant aktivite sosyal, ekonomik, politik, ak relijye yo. Joseph Smith te gen yon biwo nan dezyèm etaj la.
15. Tanp Nauvoo
Tanp orijinal Nauvoo a te bati avèk wòch kalkè ki te disponib nan zòn nan epi ki te gen yon koulè ant gri ak blan. Bilding nan te mezire 39 mèt nan longè ak 27 mèt nan lajè. Tèt flèch fòtrès la te kanpe 48 mèt distans anlè nivo sòl la. Manm Legliz yo te fè gwo sakrifis pou yo te bati bèl tanp sa a, epi yo te kòmanse travay la nan lane 1841. Kèk ladan yo te travay pandan plizyè mwa nan konstriksyon an; kèk lòt te sakrifye lajan yo. Malgre l pat fin bati nèt, tanp lan te plen nèt avèk manm ki te vini pou fè òdonans nan mwa anvan yo te kouri al nan Lwès la. Pandan anpil nan Sen yo te kite Nauvoo nan kòmansman prentan 1846 anba menas vyolans popilas la, yon gwoup espesyal te rete dèyè pou fin bati tanp lan. Nan 30 Avril 1846, Èldè Orson Hyde ak Wilford Woodruff nan Kolèj Douz Apot yo ak anviwon 20 lòt gason te konsakre kay sa a pou Senyè a. Tanp lan te abandone an Septanm lè popilas la te chase rès manm Legliz yo soti nan Nauvoo; lè sa a, gwoup popilas la te derespekte epi avili batiman sakre a. Dife te detwi andedan an an Oktòb 1848. Tanp rebati a (ki sou foto a la a), yon repwodiksyon fidèl orijinal la, sete Prezidan Gordon B. Hinckley ki te konsakre li nan 27–30 Jen 2002.
16. Prizon Carthage
Penitansye nan vil Carthage la, Illinois.
17. Egzòd al nan Lwès la
Kòmansman degèpisman Nauvoo, Illinois a te planifye pou mwa Mas–Avril, men, poutèt menas popilas la, Prezidan Brigham Young te dirije egzòd Sen yo pou travèse Rivyè Mississippi a kòmanse nan dat 4 Fevriye 1846. Prezidan Young te rete dèyè pou administre dotasyon Sen yo epi l pa t kite Nauvoo jouk nan mitan Fevriye.
18. Tanp Salt Lake la
Tanp Salt Lake la, n ap gade apati nòdès. Kèk jou apre premye konpayi pyonye Sen Dènye Jou yo te antre nan Vale Lak Sale a, Prezidan Brigham Young te frape tè a avèk baton li a epi l te deklare, “Se la a n ap bati tanp Bondye nou an.” Yo te fouye fondasyon an nan 14 Fevriye 1853. Nan 6 Avril 1853, yo te poze wòch prensipal yo. Tanp lan te fin bati epi l te dedye 40 ane apre nan dat 6 Avril 1893. Premye Prezidans lan ak Kolèj Douz Apot yo rankontre nan kote sa a chak semèn pou yo fè deba epi pou yo chèche direksyon Senyè a nan fason pou yo administre ak bati wayòm Bondye a.