18. Valetabu e Salt Lake
Valetabu e Salt Lake ni laurai mai na vua-i-cake. Ni oti e vica na siga ena nodra curuma yani na Bucabuca ni Salt Lake na imatai ni kabani ivuvu, a mokuta na qele ko Peresitedi Biriqemu Yaga ena nona ititoko ka kacivaka, “Eke eda na tara kina na valetabu ni noda Kalou.” A kelivaki na qele ena ika 14 ni Feperueri 1853. Ena ika 6 ni Epereli 1853, sa vakadaberi kina na vatunitutu. A vakacavari ka vakatabui na valetabu ena 40 na yabaki mai ki muri ena ika 6 ni Epereli 1893. Eratou dau bose eke ena veimacawa na Mataveiliutaki Taumada kei na Kuoramu ni iApositolo Le Tinikarua me ratou veivosakitaka ka vakasaqara na veidusimaki ni Turaga ena kena cakacakataki ka tarai cake na matanitu ni Kalou.
Na Ka e Yaco: Sa solia eke na Turaga vei ira na Peresitedi ni Lotu kei na Vakaitutu Raraba tale eso na sovaraki ni yalo ni vakatakila, ka okati kina na iVakaro Raraba 2. Ena dua na gauna lekaleka ga se qai oti, eratou a duavata kina ka tabaka na Mataveiliutaki Taumada kei na Matabose ni iApositolo Le Tinikarua na “Na Matavuvale: Ai Vakaro ki Vuravura Raraba.” Na veicakacaka vakalotu ni Valetabu ka qaravi me baleti ira na bula kei ira na mate sa vakalougatataka na nodra bula e milioni.