Veivuke ni Vuli
5. Uciwai na Sasukuena


5. Uciwai na Sasukuena

iVakatakilakila
itaba 5

Na iyaloyalo oqo e vakaraitaka na Uciwai na Sasukuena ena Tauni ko Amoni e Penisilivenia.

Na Ka e Yaco: A lako mai ena imatai ni gauna ki Amoni ko Josefa Simici Lailai ena 1825 me vaqara cakacaka. Erau a mai vakaicili kei tamana voleka eke ena vale nei Aisake Ele, na vanua a sotavi Ema Ele kina ena imatai ni gauna ko Josefa, a qai watina e muri (JS—AT 1:56–57). Erau qai vakamau ko Josefa kei Ema ena 18 ni Janueri 1827. A ciqoma na Parofita na peleti koula ena 22 ni Sepiteba 1827, mai Menijesita e Niu Ioka, ni oti ga ko ya e rau sa toki vata kei Ema ki Amoni na vanua a tekivu vakadewataka kina na peleti. Ena gauna e vakadewataki tiko kina na iVola i Momani, erau a vinakata ko Josefa kei Oliva Kaudari me rau kila eso tale na ka me baleta na papitaiso ka rau lako ki na dua na vanua e veikau voleka eke me rau masu vua na Turaga ena vuku ni ulutaga oqo. Me isau ni masu oqo, a basika mai kina ko Joni na Dauveipapitaisotaki ena 15 ni Me 1829 (JS—AT 1:66–74; V&V 13). A solia o koya na Matabete i Eroni vei Josefa kei Oliva. Oti erau qai lako yani ki wai ka veipapitaisotaki me baleta na vakabokoci ni ivalavala ca. Oti erau qai dusimaki mai vei Joni na Dauveipapitaisotaki o Josefa kei Oliva me rau veitabaki vakataki rau ki na Matabete i Eroni. Ni oti ga vakalailai, eratou a rairai mai o Pita, Jemesa, kei Joni ena maliwa kei Amoni kei Kolisivili ka solia vei Josefa kei Oliva na Matabete i Melikiseteki (V&V 27:12–13; 128:20).