9. Valetabu e Katiladi
Na Valetabu e Katiladi e tiko e Katiladi, Oaio.
Na Ka e Yaco: Na Valetabu e Katiladi e imatai ni valetabu me tara ena itabagauna oqo (V&V 88:119; 95). Ena loma ni valetabu oqo, a raica kina ko Josefa Simici e dua na raivotu ni matanitu silesitieli (V&V 137). A vakatabui ena ika 27 ni Maji 1836 (V&V 109). Ena i ka 3 ni Epereli 1836, a rairai kina na iVakabula ka ciqoma na valetabu me vanua ena vakatakila kina na Nona vosa vei ira na Nona tamata (V&V 110:1–10). Ni oti na rairai mai oqori, erau a sikovi ko Josefa Simici kei Oliva Kaudari mai vei Mosese, Iliesa, kei Ilaija, ka ratou mai solia vei rau na idola vakabete duidui eso kei na veitukutuku bibi (V&V 110:11–16). Era a qaravi tiko na yalododonu mai na valetabu oqo me rauta ni rua na yabaki ni bera ni ra qai dro tani mai Katiladi ena vuku ni veivakacacani.