6. Vanua a tu kina na iTikotiko nei Pita Witima Levu
Na vale tolonikau oqo e matataka na itikotiko taumada nei Pita Witima Levu mai Feiete, Niu Ioka.
Na Ka e Yaco: A vakacavara eke ko Josefa Simici na vakadewataki ni iVola i Momani ena mua ni vula o June 1829. Ena veikau e yasa ni vale oqo, eratou a raica kina na agilosi ko Moronai kei na peleti koula na iVakadinadina Bula e Le Tolu. Na nodratou ivakadinadina sa taba tu ena gauna oqo ena ilavelave kece sara ni iVola i Momani. Ena ika 6 ni Epereli 1830, era a soqoni vata kina ena vale nei Pita Witima e rauta ni 60 na tamata me ra vakadinadinataka na kena tauyavutaki na Lotu i Jisu Karisito (V&V 20). Na imatai ni soqoni kei na koniferedi eso ni Lotu gone oqo a vakayacori eke. E ruasagavulu vei ira na ivakatakila era tu ena Vunau kei na Veiyalayalati era a ciqomi ena vale nei Pita Witima.