12. Valeniveivesu e Lipati
Na valeniveivesu mai Lipati, e Misuri. Eratou a tauri vakavesu vakatawadodonu tiko ena loma ni kena lalaga 1.2 na mita na kena vavaku ko Josefa Simici kei na lima tale na turaga mai na ika 1 ni Tiseba 1838 ki na 6 ni Epereli 1839. (A sereki ko Sidini Rikitoni ena mua ni Feperueri.) Ni ratou sa laki sogo tu ena itabavale e ra sara se na iwase butobuto ni vale, eratou moce ena simede batabata, ena buturara ka conaki ena co madu ka lailai sara na kena rarama kei na kena taqomaki mai na draki batabata.
Na Ka e Yaco: E ciqoma na Parofita ko Josefa na isau ni nona masu, ena nona vakatakekere tiko ena vukudra na udolu vakaudolu na Yalododonu Edaidai era sa vakasavi mai Misuri, a qai vola ena dua na ivola ki vei ira na Yalododonu era sa tiko voli vakadro (V&V 121–123).