14. Ana Titoa ae Uraura Burikina Iotebwa Timiti te Ataei

Tamnei

tamnei 14

Manga katean ana titoa ao ana aobiti aei Iotebwa Timiti te Ataei ae e tei i Nauvoo, Illinois. Bon teuana mai buakon kateitei aika moan te kakawaki n te Ekaretia ni bongin Nauvoo. E aki ti riki bwa te titoa ae bane bwaai iai, ma e riki naba bwa boton waaki ibukin iokinibwai, tautaeka ao te aro. Iotebwa Timiti e katea ana aobiti ni borauataona.

Bwaai aika Riki aika Kakawaki: I mwain tian te tembora, te ru are i etan te titoa e kabonganaki bwa te ru ibukin otenanti, ike a anga iai moan entaumente aika bwanin. Ni Maati 17, 1842, te Burabeti ae Iotebwa e barongaia ainen te Ekaretia nakon te Botaki n Aine.