10. Atam-ontaai-Aman
Ni kaitara maiaki n te mwarua ae Atam-ontaai-Aman, te mwarua ae rau, ae tikiraoi ae mena i meang-maeaon Missouri i rarikin te botanaomata ae Gallatin.
Bwaai aika Riki aika Kakawaki: Teniua te ririki i mwain matena, Atam e weteia kanoana ake a raoiroi nakon te mwarua aio ao e anganiia a na kabane ni kakabwaia (R&B 107:53–56). N te 1838 Atam-ontaai-Aman bon te tabo teuana are a maeka iai Aomata aika Itiaki ni Boong aika Kaitira ae i marenan 500 ao 1,000. A kitana te tabo ni maeka aei Aomata aika Itiaki ngke a kanakoaki mai Missouri. I mwain Kauaokin Kristo ni mimitongina, Atam ao kanoana aika raoiroi, are a kaairaki iai Aomata aika Itiaki ni mwioko n tararua nako, a na manga ikotaki n te mwarua aei bwa a na kaitibo ma te Tia Kamaiu (Tani. 7:9–10, 13–14; R&B 27; 107:53–57; 116).