Pukfel
Kapasen Pwarata an ekkewe Unumon Chon Pwarata


Ewe Kapasen Pwarata an ekkewe Unumon Chon Pwarata

Asinei ngeni muu meinisin, einang, sokopaten kapas, me aramas, ngeni ion ei angang epwe no ngeni: Pwe seni ewe chenin Kot ewe Sam, me ach Samon Jises Kraist, am aua fen kuna ekkewe seleich minne a masoweni ei uruo, minne uruon ekkewe aramasen Nifai, me pwan aramasen Leiman, pwir kewe, me pwan ekkewe aramasen Jared, ekkewe ra feito seni ewe tower minne a fen pin kapas usun. Iwe sia pwan sinei pwe ra fen siwin kapaser seni ewe niffang me manamanen Kot, pokiten mongungun a apasa ngenikem; ina minne am aua ennetin sinei pwe ei angang mi ennet. Iwe am aua pwan pwarata pwe am aua fen kuna ekkewe mak minne ra fen nom won ekkewe seleich; me ra fen pwato ngenikem seni ewe manamanen Kot, nge esap seni aramas. Am aua apasa fiti kapas ennet, pwe emon chon nangin Kot a feitiw seni nang, iwe a uweireto me iseniretiw mwen mesem, iwe am aua nengenir me kuna ekkewe seleich, me ekkewe makken wor; iwe am aua sinei pwe seni ewe umoumochun Kot ewe Sam, me ach Samon Jises Kraist, pwe am aua fen nengeni me pwarata pwe ekkei mettoch mi ennet. Iwe a fokkun amwarar me non mesem. Nge inamo, ewe mongungun ewe Samon a annuku ngenikem pwe am pwe pwarata usur; ina minne, ren am oupwe aneasochisi ekkewe annukun Kot, am aua apasa am kapasen pwarata usun ekkei mettoch. Iwe am aua pwan sinei pwe ika aua nukuchar non Kraist, am aua tongeni animochueno ufem kewe mi pin seni chan aramas meinisin, me am aupwe nom non pekin nimenimoch me mwen ewe nenien mwottun kapung an Kraist, me am aupwe nonnom ren tori feinfeino chok non nang. Sufon ngeni ewe Sam, me ngeni ewe Nau, pwan ngeni ewe Ngun mi Fel, minne a ew Kot. Amen.

Oliver Cowdery

David Whitmer

Martin Harris